Антуан Семеньо "Манчестер Сити"да 42-рақамни танлаш сабабини тушунтирди

"Манчестер Сити"нинг янги футболчиси Антуан Семеньо жамоада 42-рақам остида ҳаракат қилади. Гана терма жамоаси аъзоси нега айнан шу рақамни танлаганини изоҳлаб берди.

— Бу менинг "Бристол Сити"да ўйнаган пайтимдаги илк рақамим эди. 42 ва 24 рақамлари орасида танлов қилдим, аммо 24 бўш эмас экан. Шунинг учун яна эски рақамимга қайтдим. У мен учун ҳар доим илҳом манбаи бўлиб келган, — деди футболчи.

Эслатиб ўтамиз, "шаҳарликлар" сафида 42-рақам остида аввал Яя Туре ҳам тўп сурган.

Антуан Семеньо "Манчестер Сити" билан 2031 йил ёзига қадар мўлжалланган шартнома имзолади. Transfermarkt маълумотларига кўра, трансфер қиймати 72 миллион еврoни ташкил этган.