АПЛ. 10-турда олинган энг сара суратлар орқали ишланган фотомақола!

Англия Премьер лигасининг 10-турида бир қатор қизиқарли ўйинлар бўлиб ўтди. Турнинг марказий учрашувида "Челси" ва "Тоттенхэм" ўзаро тўқнаш келиб, нурсиз дуранг ўйнади. "Арсенал" сафарда "Вулверхэмптон"га 1:2 ҳисобида имкониятни бой берган бўлса, "Манчестер Сити" "Бёрнли" клубини йирик 5:0 ҳисобида таслим этди. Турнинг қолган баҳслари ҳам қизиқарли кечди. 10-турдан олинган энг сара суратлар орқали фотомақола тайёрладик.

 

Буюк футболчи ва афсуски, бошқа урмайдиган буюк юрак! Ҳа, Марадонанинг вафотидан кейин, Англиянинг дастабки учрашувида ҳам уни хотирлашди.

 

"Ньюкасл" ҳужумидаги тандемнинг иш бериши "Кристал Пэлас"ни қурбон қилди.

 

Тўп каердан ўтиб кетганлигини пайқадингизми?

 

Тўғри топдингиз!

 

"Брайтон" ва "Ливерпуль" қарама-қаршилиги кескин курашларга бой бўлди.

 

Ҳаттоки, фотомухбирларга бундай лавҳаларни илиб олиш унчалик қийин бўлмаганини пайқаш мумкин.

 

Пенальтилар, "Ливерпуль"нинг ҳисобга олинмаган 2 та голи... Барчасини шу инсон амалга оширди.

 

Нима деб ўйлайсиз? Клопп ўз эътирозларини ҳакамларга билдиряптими ёки Алиссонга?

 

Бу эса, "Ливерпуль"дан очко олишга сабаб бўлган, 90-дақиқадаги Гросс томонидан берилган зарба!

 

"Бёрнли" дарвозаси олдида "Манчестер Сити" футболчилари истаганларини қилишди.

 

Айниқса, Маҳрезнинг ўйини очилиб кетди ва Пикок-Фаррелл дарвозасига учта тўп киритди.

 

Беллашув таблодагидек ҳисобда якунланди.

 

Қизиғи, Гвардиола шогирдлари шу йилнинг июнь ойида ҳам "Бёрнли" устидан 5:0 ҳисобида ғалаба қозонганди.

 

Марсело Бьелса "Эвертон"га қарши баҳс учун жамоасини яхши тайёрлаган экан.

 

"Лидс" аъзолари ғалаба учун борларини бериб, ҳаракат қилишди.

 

Самолёт каби "учиш"!

 

Шунчаки "учиш"!

 

"Вест Бромвич" ва "Шеффилд" ўртасидаги учрашув турнинг энг эътиборсиз ўйинидек туюлиши мумкин, аммо баҳс жуда ҳам шиддатли кечди.

 

Жамоалар гол уриш учун ҳужумкор футбол намойиш этиб берди.

 

Галлахер томонидан киритилган гол ягоналигича қолди.

 

У голни қандай нишонлаганини кўришингиз мумкин.

 

Бу томондан олинган кадр ҳам бор.

 

АПЛда фотографлар ҳар тарафдан суратга олади.

 

"Пирамида"!

 

Биринчи бўлимдаги ишончсиз натижадан сўнг, Кавани баҳсга қўшилди.

 

Ўша бўлимда Де Хеа дарвозасига жавобсиз иккита тўп киритилганди.

 

Уругвайлик форвардга "қизил-иблислар"нинг "ёқимтой"ига айланиш учун битта тайм етарли бўлди.

 

Беллашув ҳарорати мураббийларни турли эмоциялар кўрсатишга мажбур қилди.

 

У ўйиннинг энг яхши футболчиси!

 

Марказий беллашувда Жозе Моуриньо собиқ жамоасига қарши тўқнаш келди.

 

Ушбу учрашув ниҳоят, "Челси" дарвозабон муаммосидан қутилганига исбот бўла олди.

 

Жорий мавсум сермаҳсулликда етакчилик қилаётган Сон ҳам дарвозага йўл тополмади.

 

"Челси" футболчилари ҳам бундан мустасно эмас.

 

Шу тариқа, катта қизиқишлар билан кутилган Лэмпард ва Моуриньо қарама-қаршилигида ҳисоб очилмади.

 

Бу тўқнашувни кўрдингизми?

 

Давид Луиз ва Рауль Хименес бир-бирига бош билан зарба бериб юборди ва ҳакам тахминан 10-15 дақиқа давомида баҳсни тўхтатиб туришга мажбур бўлди.

 

Учрашув кескин курашларга бой бўлди.

 

Ўйин шиддатидан келиб чиқиб, биз яна жароҳатлар гувоҳига айланишимиз мумкин эди, аммо ҳайриятки, барчаси яхши якун топди.

 

Португалларни йиғиб олган португалиялик мутахассис Эшпириту Санту керакли натижага эришди.

 

Ареола "Фулхэм"ни бир қанча вазиятда қутқариб қолди.

 

Шмейхель Лукманнинг зарбаси олдида ожиз қолди.

 

Ареоладан яна бир сэйв!

 

"Лестер" майдонидан ғалаба билан қайтиш ҳар қандай жамоага ҳам насиб қилавермайди.

 

Бу сафар изоҳ сиздан бўлсин!

 

Олли Уоткинс - антиқаҳрамон! Унинг голини VAR тан олмади ва у пенальтини аниқ амалга оширолмади.

 

Иккинчи қаватдаги тўп учун курашни фотомухбир дарвоза ортидан тасвирга олган вазият.

 

Худди шу ҳолатни бошқа томондан кўриш имкони ҳам бор.

 

"Астон Вилла"га Грилишнинг урган голи ҳам етарли бўлмади.

 

Ушбу ғалаба Дэвид Мойес шогирдларини бешинчи ўринга олиб чиқди.