АПЛ. 11-турдан олинган энг сара суратлар орқали ишланган фотомақола!
Англия Премьер Лигасининг 11-турида бир қатор қизиқарли ўйинлар бўлиб ўтди. МЮ сафарда "Борнмут"га 1:0 ҳисобида мағлуб бўлди. "Тоттенхэм" меҳмонда "Эвертон" билан, "Арсенал" эса ўз майдонида "Вулверхэмптон" билан 1:1 ҳисобида дуранг ўйнашди ва яна бир қатор қизиқарли ўйинлар бўлиб ўтди. Ушбу учрашувлардан олинган энг сара суратларни эътиборингизга ҳавола этамиз!
Учрашувнинг ёдда қоларли вазияти, бу Орье ва Соннинг қўполлигидан сўнг, "Эвертон" футболчиси Андре Гомеш афсусланарли ва аянчли жароҳатга учрагани бўлди.
Вазиятни яхшилаб ўрганиб олган хакам Жанубий Корея терма жамоаси етакчисини майдондан четлатди!
Ушбу ҳолатда Сон "шок" ҳолатида эканлиги унинг юзидан маълум эди. Майдондаги қолган футболчилар ҳам вазиятдан қаттиқ таъсирланишганини яшириб тура олишмади.
Беллашув якунида ғолиб номи аниқланмади! 1:1.
"Лестер"нинг навбатдаги кашфиёти ва янги юлдузи Мэддисон!
"GettyImages" фотомуҳбирининг навбатдаги нишонида АПЛ тўпурари Жейми Варди!
Мавсумни юқори темпда ўтказаётган "Лестер" бу сафар меҳмонда "Кристал Пэлас"ни 2:0 ҳисобида доғда қолдирди
"Уотфорд" футболчиси: Ҳой, бугун сенларга Лэмпард ҳам ёрдам бера олмайди!
Лэмпард: Пулишич бугун сен ғалабани тўпини киритасан!
Жоржиньо: Барчаси режадагидек, йўлимдан қоч "тирмизак"!
Жон Терри: Ҳисобни очиб олсак, "автобус" қўямиз ва "Ливерпул"га Салоҳ ҳам ёрдам бера олмайди.
Голдан сўнг, Фирминьонинг уринишлари ҳам фойда бермаётган эди
Сўнгги лаҳзаларда эса Юрген Клопп Манега: Келақол ўзимга қаҳрамоним!
Чиройли фото. Шундай эмасми?
"Брайтон" футболчиси Роналду услубида бўлмаса ҳам, мана шундай сакраб голни нишонлашни уддаламоқда
Аслида беллашув ноодатий тарзда очиб берилганди
"Брайтон" "Норвич"ни 2:0 ҳисобида доғда қолдирган баҳсдан олинган энг сара сурат шу бўлса керак
"Ньюкасл"га қарши баҳсда "Вест Хэм"га Чичарито ҳам ёрдам беролмади
Бундай суратларни фақатгина "GettyImages" муҳбирлари тақдим этаверишмайди
Шунақаси ҳам бўлиб туради!
Қизиқ! "Шитка"ни хакам кўтариб юрибди
Йўқ, йўқ, бу Кавани эмас, "Саутгемтпон" футболчиси!
Сиз ҳам ўзимизнинг "Бунёдкор" стадионини эсладингизми?
Гвардиоланинг ўйин давомидаги шаштини "Сўғдиёна" бош мураббийи Улуғбек Бақоевникига ўхшатаман! Қўяверасиз, орзуга айб йўқ! Зора, ўзимиздан ҳам шундай мутахассислар етишиб чиқса!
Чемпионшипда кўп бора ўзаро баҳслашган "Шеффилд" ва "Бёрнли" ниҳоят АПЛда ҳам қарама-қарши келишди
"Бёрнли" футболчиси кўзини юмиб олмаганида, балки тўпга бош билан тўғри зарба берган бўларди
Жорий мавсумни фантастик тарзда ўтказаётган "Шеффилд" якунда 3:0 ҳисоби билан ғалабага эришди
"Арсенал" - "Вулверхэмптон" баҳси яккакурашларга бой тарзда кечди
Ана шундай яккакурашларнинг биридан ажойиб фото!
"Вулверхэмптон" АПЛ грандларини тўхтатиб қола олишини яна бир бор исботлади
"Бўрилар" 11-учрашувда 7-дуранг натижасини қайд этишди
Изоҳ ўзингиздан...
Мартиаль пенальти ишлашга ҳам уриниб кўрди
Кинг берган ушбу зарба олдида Де Хеа ожиз қолди
Вазиятни бошқа томондан олинган суратда ҳам томоша қилиш мумкин
"Қуруқ ёмғир". Ҳа, Англияда шунақаси ҳам бўлади
Мураббийлар битта кўрсатмани бераётганга ўхшайди!
Кинг берган зарбаси учрашувдаги ягона гол бўлишини таъминлаб берди
Фикрлар