АПЛ. 21-турда олинган энг сара суратлар орқали ишланган фотомақола!

Англия премьер-лигаси 21-турининг марказий учрашувида "Арсенал" ва "Манчестер Юнайтед" клублари ўзаро тўқнаш келишди ва мезбонлар узоқ кутилган ғалабани Сульшер шогирдлари устидан қозонишди. "Ливерпуль" мавсумни кўтарингки кайфиятда ўтказаётган "Шеффилд" жамоасига қарши ўйинда 2:0 ҳисобидаги ғалабани қўлга киритди. "Манчестер Сити" ва Анчелотти бошчилик қилаётган "Эвертон" устидан 2:1 ҳисобида ғалабага эришган бўлса, "Тоттенхэм" сафарда "Саутгемптон"га кичик 0:1 ҳисобида ютқазиб қўйди ва "Челси" меҳмонда "Брайтон"га очко улашиб, 1:1 ҳисобида дуранг ўйнади. Яна бир қатор қизиқарли учрашувлар бўлиб ўтди. Ушбу турдан олинган суратлар орқали фотомақола тайёрладик.

Муҳаммад Салоҳ учрашувда ҳисобни очди ва уни Мане билан бирга нишонлади!

Мане эса Фирминьо билан қандай нишонлаганини кўрганмидингиз?

Ажойиб жамоанинг футболчилари ўзаро иноқ!

Ҳимоя қўрғони ван Дийк ва янги Алекс Фергюсон дейилаётган Клопп!

Иноқ жамоа "Шеффилд" устидан 2:0 ҳисобида зафар қучди.

Марказий беллашув қизиқарли кечди.

"Арсенал"нинг голларидан сўнг, Лингард қанча шошилмасин, жамоадошлари умидларини узиб бўлгандек эди.

Кўпчиликнинг фикрича, бу Артета "эффекти!"

Гранд клубларга қарши ўйинларда мағлуб бўлмаётган МЮ устози бу сафар ўзи ҳам хайрон!

Гвардиола тўп ён чизиқдан қандай ташланиши кераклигини уқтирмоқда!

Ий-эээ...!

Тўп дарвоза тўрида, аммо дарвозабон ҳамон сейв қилиш илинжида.

Анчелотти ҳайронлик билан: Мен қаердаман...?

Анчелотти: Нима бўлаяпти...? "Наполи" қани?

Бу Бравоми ёки Пикфорд?

Жезус тепган тўпни "Эвертон" ҳимоячиси мен тепаяпман деб ўйлади шекилли.

Учрашувда дубль қайд этган ва қаҳрамонга айланган - Габриэль Жезус!

"Норвич" ва "Кристал Пэлас" қарама-қаршилигини Жонатан Мосс бошчилигидаги ҳакамлар гуруҳи бошқариб борди.

"Норвич" 4-дақиқада ҳисобни очди. Ҳимоячи эса ўзини зўр-ға тўхтатиб олди.

85-дақиқада Коннор Уикхэм ҳисобни тенглаштирди ва жамоасини мағлубиятдан қутқариб қолди.

Ўтган мавсум Чемпионшипда тўпурарлик маҳоратини кўрсатиб берган ва жорий мавсум АПЛда порлаган моҳир футболчи Темму Пуккининг ўйинларини бир бор бўлсада кўрдингизми?

Бу эса топ клублар орзу қилаётган ва сиз яхши билган Уильфрид Заа!

Билмаганлар учун маълумот! Беллашувда ҳисобни очган ва мавсумни юқори кайфиятда ўтказаётган ёш ва умидли футболчи Тодд Кантуэлл! Уни эслаб қолинг, яқин келажакда яхши футболчи бўлиб етишиши мумкин.

Тим Крул ҳақида ортиқча маълумот шарт эмас! Шундоқ ҳам уни яхши биласиз.

"Вест Хэм" ва "Борнмут" ўзаро тўқнашган кечадаги ўйин гўёки футбол эмасдек!

Бу американча футболга ўхшарди.

Беллашув кескин курашларга бой бўлди.

Ғалаба нишонланиши ҳам ўзгача бўлди.

Мойесни "пузирик"ларга бежаб ташлашди.

Қай этилган ҳисоб эса "хоккейча" бўлди.

"Ньюкасл" майдонида Айозе Перес ҳисобни очди.

Орадан 3 дақиқа ўтиб, Мэддисон ҳисобни ишончли кўринишга келтирди.

Варди урмаса, Чодҳури уради. Афтидан, "Лестер" янгиларни кашф этишдан тўхтамайди чоғи!

Барчаси битта суратда намоён!

Ингс томонидан киритилган ажойиб гол "Тоттенхэм"нинг мағлубиятига сабаб бўлди.

Моуриньо устидан ғалаба қозонган мутахассисга ярашаверади.

Соннинг йўқлиги, Кейннинг учрашувда олган жароҳати, Моуриньонинг карточкаси... Шу куни, "Тоттенхэм" қаттиқ сиқилди!

Бир қатор юлдузларни кашф этиб берган "Саутгемптон"нинг ушбу суратдаги аъзолари орасида ҳам бўлажак юлдузлар бўлса ажаб эмас!

Моуриньо, юлдузлар... "Тоттенхэм"га ҳеч нарса ёрдам беролмаяпти.

Бир ғуборидан чиқсин!

21-турда "Уотфорд" ва "Вулверхэмптон" қарама-қаршилиги бўлиб ўтди.

Учрашув жуда қизиқарли кечди. Мириқиб томоша қиладиган ўйин бўлди.

Кескин курашлар, қизил карточка, чиройли ҳужумлар ва голлар...

Ушбу баҳсни такроран кўрсангиз ҳам зерикиб қолмайсиз!

Якунда ҳам кутилмаганда "Уотфорд" кучли рақибини доғда қолдиришни уддасидан чиқди.

Аввалига, "Брайтон" майдонида Аспиликуэтанинг голи эвазига лондонликлар ҳисобни очиб олишган эди.

Учрашувда "Челси" ишончли ғалабани қўлга киритиши тахмин қилина бошланганди.

84-дақиқада Жаҳонбахш "супер гол" урди ва "Челси"ни ғалабадан мосуво этди.

Жанубий Корея форварди Сон Хён Мин, Эрон футболчиси Алиризо Жаҳонбахш! Биздан ҳам АПЛни "ёндирадиган" футболчилар чиқиб қолар...!

Абрахам катта маош талаб қилди-ю, ўйини ўхшамади!

"Бёрнли" ва "Астон Вилла" қарама-қаршилиги бўлган ўйин! Икки жамоанинг сардорлари битта фотода!

Ушбу ўйин жароҳатларга бой бўлди.

Дарвозабон ҳам бундан мустасно эмас!

"Астон "Вилла" сардори ва етакчиси Жек Грилиш доимгидек, тиниб-тинчимади ва учрашувда гол ҳам уришга эришди.

Грилиш!
"Астон Вилла" сафарда 2:1 ҳисоби билан ғалабани қўлга кирита олди.