APL. 21-turda olingan eng sara suratlar orqali ishlangan fotomaqola!

Angliya premer-ligasi 21-turining markaziy uchrashuvida "Arsenal" va "Manchester Yunayted" klublari o‘zaro to‘qnash kelishdi va mezbonlar uzoq kutilgan g‘alabani Sulsher shogirdlari ustidan qozonishdi. "Liverpul" mavsumni ko‘taringki kayfiyatda o‘tkazayotgan "Sheffild" jamoasiga qarshi o‘yinda 2:0 hisobidagi g‘alabani qo‘lga kiritdi. "Manchester Siti" va Anchelotti boshchilik qilayotgan "Everton" ustidan 2:1 hisobida g‘alabaga erishgan bo‘lsa, "Tottenxem" safarda "Sautgempton"ga kichik 0:1 hisobida yutqazib qo‘ydi va "Chelsi" mehmonda "Brayton"ga ochko ulashib, 1:1 hisobida durang o‘ynadi. Yana bir qator qiziqarli uchrashuvlar bo‘lib o‘tdi. Ushbu turdan olingan suratlar orqali fotomaqola tayyorladik.

Muhammad Saloh uchrashuvda hisobni ochdi va uni Mane bilan birga nishonladi!

Mane esa Firmino bilan qanday nishonlaganini ko‘rganmidingiz?

Ajoyib jamoaning futbolchilari o‘zaro inoq!

Himoya qo‘rg‘oni van Diyk va yangi Aleks Fergyuson deyilayotgan Klopp!

Inoq jamoa "Sheffild" ustidan 2:0 hisobida zafar quchdi.

Markaziy bellashuv qiziqarli kechdi.

"Arsenal"ning gollaridan so‘ng, Lingard qancha shoshilmasin, jamoadoshlari umidlarini uzib bo‘lgandek edi.

Ko‘pchilikning fikricha, bu Arteta "effekti!"

Grand klublarga qarshi o‘yinlarda mag‘lub bo‘lmayotgan MYu ustozi bu safar o‘zi ham xayron!

Gvardiola to‘p yon chiziqdan qanday tashlanishi kerakligini uqtirmoqda!

Iy-eee...!

To‘p darvoza to‘rida, ammo darvozabon hamon seyv qilish ilinjida.

Anchelotti hayronlik bilan: Men qaerdaman...?

Anchelotti: Nima bo‘layapti...? "Napoli" qani?

Bu Bravomi yoki Pikford?

Jezus tepgan to‘pni "Everton" himoyachisi men tepayapman deb o‘yladi shekilli.

Uchrashuvda dubl qayd etgan va qahramonga aylangan - Gabriel Jezus!

"Norvich" va "Kristal Pelas" qarama-qarshiligini Jonatan Moss boshchiligidagi hakamlar guruhi boshqarib bordi.

"Norvich" 4-daqiqada hisobni ochdi. Himoyachi esa o‘zini zo‘r-g‘a to‘xtatib oldi.

85-daqiqada Konnor Uikxem hisobni tenglashtirdi va jamoasini mag‘lubiyatdan qutqarib qoldi.

O‘tgan mavsum Chempionshipda to‘purarlik mahoratini ko‘rsatib bergan va joriy mavsum APLda porlagan mohir futbolchi Temmu Pukkining o‘yinlarini bir bor bo‘lsada ko‘rdingizmi?

Bu esa top klublar orzu qilayotgan va siz yaxshi bilgan Uilfrid Zaa!

Bilmaganlar uchun ma’lumot! Bellashuvda hisobni ochgan va mavsumni yuqori kayfiyatda o‘tkazayotgan yosh va umidli futbolchi Todd Kantuell! Uni eslab qoling, yaqin kelajakda yaxshi futbolchi bo‘lib etishishi mumkin.

Tim Krul haqida ortiqcha ma’lumot shart emas! Shundoq ham uni yaxshi bilasiz.

"Vest Xem" va "Bornmut" o‘zaro to‘qnashgan kechadagi o‘yin go‘yoki futbol emasdek!

Bu amerikancha futbolga o‘xshardi.

Bellashuv keskin kurashlarga boy bo‘ldi.

G‘alaba nishonlanishi ham o‘zgacha bo‘ldi.

Moyesni "puzirik"larga bejab tashlashdi.

Qay etilgan hisob esa "xokkeycha" bo‘ldi.

"Nyukasl" maydonida Ayoze Peres hisobni ochdi.

Oradan 3 daqiqa o‘tib, Meddison hisobni ishonchli ko‘rinishga keltirdi.

Vardi urmasa, Chodhuri uradi. Aftidan, "Lester" yangilarni kashf etishdan to‘xtamaydi chog‘i!

Barchasi bitta suratda namoyon!

Ings tomonidan kiritilgan ajoyib gol "Tottenxem"ning mag‘lubiyatiga sabab bo‘ldi.

Mourino ustidan g‘alaba qozongan mutaxassisga yarashaveradi.

Sonning yo‘qligi, Keynning uchrashuvda olgan jarohati, Mourinoning kartochkasi... Shu kuni, "Tottenxem" qattiq siqildi!

Bir qator yulduzlarni kashf etib bergan "Sautgempton"ning ushbu suratdagi a’zolari orasida ham bo‘lajak yulduzlar bo‘lsa ajab emas!

Mourino, yulduzlar... "Tottenxem"ga hech narsa yordam berolmayapti.

Bir g‘uboridan chiqsin!

21-turda "Uotford" va "Vulverxempton" qarama-qarshiligi bo‘lib o‘tdi.

Uchrashuv juda qiziqarli kechdi. Miriqib tomosha qiladigan o‘yin bo‘ldi.

Keskin kurashlar, qizil kartochka, chiroyli hujumlar va gollar...

Ushbu bahsni takroran ko‘rsangiz ham zerikib qolmaysiz!

Yakunda ham kutilmaganda "Uotford" kuchli raqibini dog‘da qoldirishni uddasidan chiqdi.

Avvaliga, "Brayton" maydonida Aspilikuetaning goli evaziga londonliklar hisobni ochib olishgan edi.

Uchrashuvda "Chelsi" ishonchli g‘alabani qo‘lga kiritishi taxmin qilina boshlangandi.

84-daqiqada Jahonbaxsh "super gol" urdi va "Chelsi"ni g‘alabadan mosuvo etdi.

Janubiy Koreya forvardi Son Xyon Min, Eron futbolchisi Alirizo Jahonbaxsh! Bizdan ham APLni "yondiradigan" futbolchilar chiqib qolar...!

Abraxam katta maosh talab qildi-yu, o‘yini o‘xshamadi!

"Byornli" va "Aston Villa" qarama-qarshiligi bo‘lgan o‘yin! Ikki jamoaning sardorlari bitta fotoda!

Ushbu o‘yin jarohatlarga boy bo‘ldi.

Darvozabon ham bundan mustasno emas!

"Aston "Villa" sardori va etakchisi Jek Grilish doimgidek, tinib-tinchimadi va uchrashuvda gol ham urishga erishdi.

Grilish!
"Aston Villa" safarda 2:1 hisobi bilan g‘alabani qo‘lga kirita oldi.