APL. Abduqodir Husanov "Liverpul"ga qarshi bellashuvda necha ballga loyiq ko‘rildi?

"Manchester Siti" ichki chempionatning 25-turida "Liverpul"ni 2:1 hisobida mag'lubiyatga uchratdi. Ushbu bellashuvda O'zbekiston milliy terma jamoamiz a'zosi Abduqodir Husanov 61-daqiqada Donnarumma bilan to'qnashuvdan so'ng jarohat olib, maydonni tark etishga majbur bo'ldi.

To'qnashuvdan so'ng ayrim statistik portallar hamyurtimizni turlicha baholadi.

"Fotmob" vakilimizni 6.7 ballga loyiq ko'rgan bo'lsa, "Sofascore" portali Husanovga 6.6 ball qo'ydi. Bundan tashqari, yana bir mashhur statistik portaldan biri hisoblangan "Flashscore" esa hamyurtimizga 7.0 ball berdi. 

Ma'lumot o'rnida, "shaharliklar" navbatdagi bellashuvini 11 fevral kuni "Fulxem"ga qarshi o'tkazadi.