АПЛ. Бруну хет-трикка эришган ўйинда МЮ йирик ҳисобда ғалаба қозонди

Англия Премьер-лигаси 1-туридан ўрин олган "Манчестер Юнайтед" - "Лидс" учрашуви ўз ниҳоясига етди. Унда майдон эгалари 5:1 ҳисобида ғалаба қозонди.

Дастлаб, манчестерликлар сафида Бруну Фернандеш хет-трик қайд этган бўлса, Мэйсон Гринвуд ҳамда Фред ўз номини таблога ёздириб қўйди. Лидсликлар таркибида Люк Эйлинг ҳисобни биттага қисқартиришга муваффақ бўлди.

Шундай қилиб, манчестерликлар онлайн жадвалда биринчи ўринга кўтарилиб олди.

Ман. Юнайтед

  • Бруну Фернандеш 30', 54', 60'
  • Мэйсон Гринвуд 52'
  • Фред 68'

Премьер-лига 1-тур

14/08/2021, 16:30

5
:
1
Окончен

Лидс

  • Люк Эйлинг 48'

Стадион: Old Trafford 72732 зрители

Рефери: Paul Tierney

45'
90'

  • 90+4'

    Учрашув якунланди! МЮ мавсумни ғалаба билан бошлади!

  • 90+3'

    Жарима майдони ичида Тайлер Робертс йиқилиб тушди. Ҳакам пенальти йўқлигини билдирди.

  • 90+2'

    Сўнгги дақиқаларни мезбонлар олдинги чизиқда ўтказмоқда. "Лидс" таслим бўлди.

  • 90'

    Ўйиннинг асосий вақтига 3 дақиқа қўшиб берилди.

  • 89'

    Марсьялнинг узатмаси ноаниқ чиқди ва МЮ тўп йўқотди.

  • 87'

    Харри Магуайр яна бир марта жарима майдонидаги тўпни узоқлаштирди.

  • 86'

    Рафиньянинг кучли зарбасидан кейин тўп устун ёнгинасидан ўтиб кетди.

  • 83'

    Люк Шоуга сариқ карточка кўрсатилди.

  • 81'

    Жарима майдони ичида Магуайр ҳеч кимга имкон бермаяпти.

  • 79'

    Бьельса шогирдлари тўпни ўзларида ушлаб турибди.

  • 76'

    Бэмфорд ўз ўрнини Тайлер Робертсга бўшатиб берди.

  • 74'

    Жэймс ва Погба ўрнига Санчо ва Марсьяль майдонга тушди. Бу Жэйдоннинг МЮдаги дебюти.

  • 72'

    Патрик Бэмфорд ўзига ўхшамаяпти. Унинг навбатдаги узатмаси ноаниқ кетди.

  • 70'

    Матич ўйинга қўшилди. У МакТоминей ўрнига майдонга тушди.

  • 68'

    ГООООООООООЛ! МЮ навбатдаги голни урмоқда!

    4-ассистни амалга оширган Погбанинг узатмасини Фред дарвозага киритди.

  • 66'

    Ўйин майдон марказида кечмоқда. 

  • 64'

    Жарима майдони ичида МакТоминей йиқилиб тушди. Ҳакам унга ўрнидан туриши кераклигини уқтирди.

  • 62'

    "Лидс" ўйинга қайтишга ҳаракат қилмоқда. Аммо фойдаси бўлмаяпти.

  • 60'

    ГООООООООООЛ! Брунудан хет-трик!

    Линдельофнинг узатмасидан кейин Фернандеш кучли зарбаси билан дарвоза тўрини тешиб юборай деди.

  • 58'

    МЮ аксарият вазиятларда класс эвазига устунлик қилмоқда.

  • 56'

    Ўйин жуда юқори темпда давом этмоқда. Супер тўқнашув!

  • 54'

    ГОООООООООООЛ! Бруну Фернандешдублни нишонламоқда!

    Фернандешнинг зарбасидан кейин ҳимоячи тўпни қайтарди, бироқ дарвоза ичидан!

  • 52'

    ГООООООООООЛ! МЮ дарҳол ҳисобда олдинга ўтиб олди!

    Погбанинг узатмасидан кейин Гринвуд тўпни дарвозанинг олис бурчагига жойлаб қўйди.

  • 51'

    Голдан руҳланган лидсликлар эрта прессинг уюштирмоқда.

  • 49'

    ГООООООООЛ! СУПЕР ГООООООООООООООЛ!

    Люк Эйлиннинг олис масофадан йўллаган кучли зарбаси дарвоза тўридан жой олди.

  • 48'

    Сульшер шогирдлари дарҳол тўп назоратига эътибор қаратди.

  • 46'

    Иккинчи тайм бошланди!

  • 46'

    Бўлимлар оралиғида Бьельса ўзгаришга қўл урди: Хуниор Фирпо Родриго ўрнига майдонга тушди.

  • 46'

    Футболчилар майдонга қайтди. Навбат бизники!

  • 45+1'

    Танаффус!

  • 45'

    Ўйиннинг биринчи таймига 1 дақиқа қўшиб берилди.

  • 44'

    Дэниель Жэймснинг зарбаси кучсиз чиқди. Дарвозабон ўз ўрнида.

  • 43'

    МЮ тўп назоратини қўлга олиш орқали рақиб шаштини пасайтиришга уринмоқда.

  • 41'

    Бўлим сўнгига келиб Марсело Бьельса шогирдлари ташаббусни қўлга олди.

  • 39'

    Клихнинг бу сафар пасига Бэмфорд ета олмади.

  • 37'

    Клихнинг узатмасига Бэмфорддан олдин Линдельоф етиб келди.

  • 36'

    Шоунинг узатмасидан кейин қулай имконият ҳосил қилган Жэймс мўлжалда адашди.

  • 35'

    Гол уриб олган манкунияликлар фаолликни давом эттирмоқда.

  • 33'

    Люк Шоунинг ўткир бурчакдан йўллаган кучли зарбаси бироз ноаниқ кетди.

  • 32'

    Жарима майдони яқинида Бруну йиқилиб тушди. Пол Тирни ўйинни давом эттиришга рухсат берди.

  • 30'

    ГОООООООООЛ! Учрашувда ҳисоб очилди!

    Бруну Фернандешнинг зарбасидан кейин дарвозабон жамоасини голдан сақлаб қола олмади.

  • 30'

    Бруну Фернандешнинг жарима майдонига оширган тўпига Гринвуд ета олмади.

  • 29'

    Ўйин шиддатли темпда давом этмоқда. Футболчилар тинмаяпти.

  • 27'

    Поль Погбанинг узоқ масофадан берган зарбасини дарвозабон ушлаб олди.

  • 26'

    Бэмфорднинг зарбасига аниқлик етишмади.

  • 25'

    Жарима майдони остонасида "Лидс" футболчисига нисбатан қоида бузилди. Қулай нуқтадан стандарт вазият.

  • 23'

    Погба ташлаб берган тўпга Брунудан олдин ҳимоячилар етиб келди.

  • 21'

    Брунунинг пасидан сўнг Жэймс ўйиндан ташқари ҳолатда қолиб кетди.

  • 20'

    Жэймснинг жарима майдонига оширган тўпини ҳимоячилар қайтарди.

  • 18'

    Умумий назорат манчестерликлар томонда бўлиб турибди. "Лидс" қарши ҳужум учун фурсат пойламоқда.

  • 16'

    Жарима майдони ташқарисидан берилган навбатдаги зарбани МЮ дарвозабони қайтарди.

  • 16'

    Жэк Харрисоннинг зарбасидан кейин Де Хеа тўпни ушлаб олди.

  • 14'

    Мезбонларнинг навбатдаги бурчак зарбаси самарасиз якунланди.

  • 12'

    Дарвозабон билан бирга-бир вазиятга чиқиб борган Погбанинг зарбаси бироз ноаниқ кетди. Жуда қулай имконият қўлдан кетди.

  • 11'

    Кутилмаганда Гринвудга тегиб дарвоза томон аниқ йўналган тўпни Мелье қайтариб юборди. Ажойиб сейв!

  • 9'

    Клихнинг зарбасидан сўнг тўп офсайдда турган Бэмфордга тегди. Ҳакам байроқчасини кўтарди.

  • 8'

    МЮнинг босими рақибни саросима остида қолдирмоқда.

  • 6'

    Гринвуднинг жарима майдони ташқарисидан берган зарбасини Мелье эгаллаб олди.

  • 4'

    Бурчакдан етказиб берилган тўпни "Лидс" дарвозабони ушлаб олди.

  • 3'

    МакТоминейнинг жарима майдони ичидан берган зарбасини ҳимоячилар қайтарди.

  • 2'

    Дастлабки сониялардан майдон эгалари тўп назоратига эътибор қаратмоқда.

  • 1'

    Ўйин бошланди!

  • 0'

    Футболчилар майдонга тушиб келди. Старт учун барчаси тайёр!

  • 0'

    Яқиндагина МЮ сафига келиб қўшилган Рафаэль Варан расман "Олд Траффорд"да "қизил иблислар" футболчиси сифатида таништирилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию