АПЛ.

Ассалому алайкум, муҳтарам футбол ихлосмандлари. Англия Премьер-лигаси 26-туридан ўрин олган "Челси" - "Манчестер Юнайтед" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

Челси

    Премьер-лига 26-тур

    28/02/2021, 20:30

    0
    :
    0
    Тугади

    Ман. Юнайтед

      Стадион: Stamford Bridge 0 томошабин

      Бош ҳакам: Stuart Attwell

      45'
      90'

      • 90+3'

        Учрашув якунланди. Матнли трансляция Жавоҳир Азимов томонидан олиб борилди.

      • 90+2'

        Ковачичнинг уринишини ҳам дарвозабон ушлаб олди. 

      • 90'

        Ўйиннинг асосий вақтига 3 дақиқа қўшиб берилди.

      • 89'

        Шоу узатган тўпга Жеймс ета олмади. Яна бир имконият қўлдан кетди.

      • 87'

        Ўйин сўнгини мезбонлар тўп назорати билан ўтказмоқда.

      • 85'

        Пулишичнинг зарбаси тўсин юқорисидан ўтиб кетди.

      • 83'

        Марказга оширилилган тўпга Вернердан олдин ҳимоячи етиб келди.

      • 80'

        МЮ жарима майдони ичига етказиб берилган тўпни ҳимоячилар қайтарди.

      • 78'

        Антонио Марсьяль Мэйсон Гринвуд ўрнига майдонга тушди. Шунингдек, Хаким Зиеш ўз ўрнини Тимо Вернерга бўшатиб берди.

      • 77'

        Дэниель Жеймсга тиббий ёрдам керак.

      • 75'

        Бу сафар Аспиликуэта ўз омадини синаб кўрди. Де Хеа ўз ўрнида.

      • 73'

        Матео Ковачичнинг зарбасидан кейин тўпни Де Хеа эгаллаб олди.

      • 70'

        Ўйин яна биринчи таймдаги сценаррий асосида давом этмоқда: майдон маркази атрофида тўп назорати.

      • 68'

        Фреднинг узоқ масофадан берган зарбаси устун ёнгинасидан ўтиб кетди.

      • 65'

        Мезбонлар "ёниб" турган рақибнинг шаштини тўп назорати билан сўндирмоқда.

      • 63'

        Рэшфорднинг жарима майдони ичидан йўллаган зарбасини дарвозабон ушлаб олди.

      • 62'

        Гринвудни қоида бузиш эвазига тўхтатиб қолган Чилуэлл огоҳлантирилди.

      • 61'

        МЮ штурм уюштиришни бошлади: МакТоминейнинг яқин бурчакка йўналтирган зарбасини Менди қайтарди.

      • 60'

        Мэйсон Гринвуднинг "пушка" зарбаси бироз ноаниқ кетди.

      • 59'

        Жамоадоши узатган тўпга Рэшфорд ета олмади.

      • 56'

        Рис Жеймснинг жарима майдонига узатган тўпига ҳеч ким етиб бора олмади.

      • 54'

        Иккинчи таймда тўп назорати лондонликлар томонда бўлиб турибди.

      • 52'

        Дэниель Жеймснинг жарима майдони ташқарисидан йўллаган зарбаси ҳимоячига тегиб, майдонни тарк этди. МЮда бурчак ттўпи юзага келди.

      • 50'

        Маунтга нисбатан қоида бузган Фред огоҳлантирилди.

      • 48'

        Қанотдан катта тезликда жарима майдонига ёриб кирган Чилуэлл Зиешга тўп узатди. Хакимнинг кучли зарбасини Де Хеа қайтарди.

      • 46'

        Иккинчи тайм бошланди!

      • 46'

        Бўлимлар оралиғида Тухель ўзгариш амалга оширди: Хадсон-Одои ўрнига Рис Жеймс майдонга тушди.

      • 46'

        Футболчилар майдонга қайтди. Биз ҳам қайтамиз!

      • 45+2'

        Танаффус!

      • 45+1'

        Сўнгги дақиқаларни меҳмонлар фаолроқ ўтказяпти.

      • 45'

        Биринчи таймга 2 дақиқа қўшиб берилди.

      • 43'

        Жарима майдони марказига етказиб берилган тўпга Бруну ета олмади.

      • 41'

        Бруну Фернандешнинг узоқ масофадан берган зарбаси рекошет натижасида ўз йўналишини ўзгартирди.

      • 39'

        Иккинчи қаватдаги тўп учун курашда Хаким Зиеш ҳамда Виктор Линдельоф тўқнашиб кетди. Жазоирлик футболчига тиббий ёрдам керак.

      • 37'

        Катта иштиёқ билан тўп томон интилган Жиру устун билан тўқнашиб кетди. Унга тиббий ёрдам кўрсатилди.

      • 36'

        Хадсон-Одоининг узатмасига интилган Жиру тўпга бироз ета олмади.

      • 35'

        "Қизил иблислар" бурчак тўпидан фойдалана олмади.

      • 32'

        Назорат "аристократлар" томонга ўтди. Бир хил ўйин такрорланмоқда.

      • 29'

        Рюдигер тўпни рақибига олдириб қўйишига бир баҳя қолди. Аммо сўнгги сонияларда у тўпни узоқлаштира олди.

      • 26'

        Ўйин майдон марказига кўчди.

      • 24'

        Тўп назорати тез-тез алмашяпти. Томонлар ҳужумдан кўра прессингда яхши ҳаракат қилмоқда.

      • 21'

        Хадсон-Одоининг жарима майдони ичидан берган зарбаси бироз ноаниқ кетди.

      • 18'

        Ўйин темпи бироз пасайди. Курашлар майдон марказида кечмоқда.

      • 16'

        Ҳаммаси ўз жойида. Ҳакам ўйинни давом эттиришга рухсат берди.

      • 15'

        Жарима майдони ичида тўп Хадсон-Одоининг қўлига тегиб кетди. Ҳакам ВАРни ўз кўзлари билан кўрмоқда. Кузатамиз...

      • 15'

        Бу сафар Зиешнинг уринишидан кейин тўпни Де Хеа ушлаб олди.

      • 14'

        Маркуснинг кучли зарбасини дарвозабон бартараф этди.

      • 13'

        МакТоминейга қарши Маунт қоида бузди. Меҳмонларда яхши стандарт юзага келди.

      • 11'

        Рэшфорд ўйиндан ташқари ҳолатда қолиб кетди.

      • 9'

        Рэшфорд жамоадошини бирга-бир вазиятга чиқариб юборишни мақсад қилганди. Аммо Чилуэлл яхши ҳаракат қилиб, тўпни тўхтатиб қолди.

      • 7'

        "Аристократлар"нинг навбатдаги позицион ҳужуми узоқ вақт давом этди. Бироқ бу уринишдан ҳам ҳеч қандай наф бўлмади.

      • 5'

        Майдон эгалари рақиб жарима майдони атрофида кетма-кет ҳужумлар ташкил этмоқда.

      • 3'

        "Кўклар" илк дақиқалардан фаоллик кўрсатмоқда. Жирунинг бош билан йўллаган зарбаси ҳимоячига тегиб ўз йўналишини ўзгартирди.

      • 1'

        Ўйин бошланди!

      • 0'

        Футболчилар майдонга тушиб келди. Старт учун барчаси тайёр!

      Матнда хатолик топсангиз, ўша хатони белгилаб, бизга жўнатинг (Ctrl + Enter)

      Минбар

      Барча блоглар