АПЛ дебютанти Испания терма жамоаси аъзосини сотиб олди

"Реал Сосьедад" ҳимоячиси Диего Льоренте фаолиятини "Лидс"да давом эттирадиган бўлди. Бу ҳақда клуб расмий сайти хабар тарқатмоқда.

АПЛ клуби 27 ёшли испаниялик футболчининг трансферига 25 млн евро сарфлайди. Шартнома имзоланиши учун эса, Льоренте тиббий кўрикдан ўтиши қолди холос.

Диего Льоренте “Реал” тарбияланувчиси ҳисобланади. У “Реал Сосьедад” сафида 2017 йилдан буён тўп суриб келмоқда. Диего ўтган давр мобайнида 88 та ўйинда майдонга тушди ва 8 та гол ҳамда 2 та голли узатмага муаллифлик қилди. Испания терма жамоаси сафида 5 та ўйинда майдонга тушган.