АПЛ грандлари зўр ҳужумчи топди

Англия Премьер-лигаси грандлари Бельгиянинг “Брюгге” клуби ва Германия ёшлар терма жамоаси ҳужумчиси Николо Трезольдини ўз сафига қўшиб олишга қизиқиш билдирмоқда.

Caught Offside нашри хабар беришича, футболчига “Челси” ва “Манчестер Юнайтед” даъвогарлик қилмоқда. Шунингдек, “Тоттенхэм” ҳам ҳужумчини сотиб олиш имкониятини кўриб чиқмоқда.

Манба маълумотига кўра, “Юнайтед” мутасаддилари жамоа ҳужумчиси Беньямин Шешкога рақобатчи изламоқда, Трезольди эса нисбатан паст нархи билан қизиқиш уйғотмоқда. Футболчи учун сўралаётган нарх 45-50 миллион евро бўлиши тахмин қилинмоқда.

Хабар қилинишича, “Челси” ҳам ҳужум чизиғидаги вазиятни ўзгартириш учун ҳозирги ҳужумчилари Лиам Делап ва Николас Жексонни сотишга тайёр. “Тоттенхэм” эса ёзда катта маблағ сарфлаганига қарамай, ҳужумчи Рандаль Коло Муани ижараси якунланганидан кейин ҳам ҳужум чизиғини кучайтиришга эҳтиёж сезмоқда.