АПЛ клуби "Реал" футболчиси учун катта сумма таклиф қилгани маълум бўлди

"Ньюкасл" бу мавсумда Англия шарафини Чемпионлар лигасида ҳимоя қилади. Клуб таркибни кучайтиришга интилмоқда ва яқинда "Реал"га ярим ҳимоячи Орельен Тчуамени бўйича катта таклиф билан чиқди. "Қарғалар" 25 ёшли француз учун 100 миллион евро таклиф қилган, аммо бунга рад жавобини эшитган. Бу ҳақда Fichajes портали хабар бермоқда.

Орельен Тчуамени "Реал" сафида жами 148 та расмий ўйин ўтказган. Уларда ярим ҳимоячи ўз ҳисобига бешта гол ва шерикларига олтита голли узатмани ёздириб қўйди. Амалдаги шартнома Тчуаменини "қаймоқранглилар" билан 2028 йилнинг ярмигача боғлаб туради.

"Реал" навбатдаги ўйинни 30 август, шанба куни ўз майдонида "Мальорка"га қарши ўтказади.