АПЛ клублари Англияда трансфер ойнаси Европа билан бир вақтда якунланишини исташмоқда

Англия Премьер-лигаси клублари мавсум стартигача трансфер ойнаси ёпилиши бекор қилинишини хоҳлашмоқда.

Ўтган йилдан буён АПЛда мавсум стартигача трансфер ойнаси ёпилмоқда, Европанинг қолган мамлакатларида эса август охиригача ёки сентябрь бошларигача ҳам у очиқ турибди.

Лига клублари вакилларининг йиғилишда ушбу қоидани бекор қилишни 11 та клуб талаб қилган.

Ҳаммадан ҳам энг кўп топ-6 клублар эътироз билдиришмоқда. Англияда трансфер ойнасининг эрта ёпилиши уларни Европанинг бошқа мамлакатлари жамоаларининг ўйинчиларини жалб қилишга бўлган уринишларига қарши заифлаштириш деб ҳисоблашмоқда.

Бундан ташқари, АПЛ клублари ушбу қоида қитъанинг бошқа мамлакатларига устунлик беришини тасдиқлашяпти.

Трансфер ойнасининг муддатидан олдин ёпилиши Премьер-лига клублари учун зарарли деб ҳисоблашмоқда. Бу борада Брендан Рожерс ("Лестер"), Юрген Клопп ("Ливерпуль") ва Маурисио Почеттино ("Тоттенхэм") ҳам эътироз билдиришган.