АПЛ клубларининг либосида букмекерлик компаниялари рекламасини жойлаштириш тақиқланиши мумкин
Англия Премьер-лигаси клублари учун футболкаларнинг олд томонида букмекерлик фирмалари рекламасини жойлаштириш тақиқланиши мумкин. Бу масала клуб ва лига раҳбарлари томонидан куни кўриб чиқилади.
Аксарият клублар қимор ўйинлари рекламасини қонун билан тўлиқ тақиқлашнинг олдини олиш учун бу ҳаракатни қўллаб-қувватлаши кутилмоқда. Қайд этилишича, агар тақиқ қабул қилинса, букмекерлик конторлари рекламаси ўйин формасининг енгига жойлаштирилиши мумкин.
Буюк Британия ҳукумати апрель ойида қимор ўйинларини тарғиб қилиш бўйича қонунни қабул қилиши кутилмоқда, жумладан спортда ҳам. Якуний қарор июнь ойига қолдирилиши мумкин, лекин катта эҳтимол билан клубларнинг аксарияти ушбу ташаббусни қўллаб-қувватлайди.
Ҳозирда Премьер-лигадаги 20 та клубдан 8 таси ўз либослари олдида букмекерлик компаниялари рекламасини жойлаштирган. Шу ўринда айтиш керакки, АПЛнинг “катта олтилиги”га кирувчи бирорта ҳам клуб букмекерлик компаниялари билан ҳомийлик шартномаси имзоламаган.
Фикрлар