АПЛ. "Манчестер Сити" - "Ливерпуль": Матнли трансляция

Ассалому алайкум, муҳтарам футбол ихлосмандлари. Англия Премьер-лигаси 8-туридан ўрин олган "Манчестер Сити" - "Ливерпуль" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

  • 90+5'

    Учрашув якунланди! Матнли трансляция Жавоҳир Азимов томонидан олиб борилди.

  • 90+4'

    Диаш Салаҳга нисбатан қоида бузди. Сўнгги сонияларда "қизиллар"да яхши вазият юзага келди.

  • 90+3'

    Кайл Уокер огоҳлантирилди.

  • 90+2'

    Алиссон ўз жойини ташлаб чиқиб, тўпни узоқлаштирди. Бироқ тўп Де Брюйнега келиб тушди, бироқ Кевин дарвозага зарба йўлламади.

  • 90+2'

    Салаҳ Мане узатган тўпга ета олмади.

  • 90'

    Ўйиннинг асосий вақтига 4 дақиқа қўшиб берилди.

  • 88'

    Стерлинг жарима майдонига узатма амалга оширди. Тўпни ҳимоячилар узоқлаштирди.

  • 86'

    Мане яна бир бор ўйиндан ташқари ҳолатда қолиб кетди.

  • 84'

    Ўз жойини ташлаб олдинга чиққан Алиссон рақибига имконият қолдирмади.

  • 83'

    Тўп назорати Гвардиола шогирдларида.

  • 81'

    Сўнгги дақиқаларда ҳар икки жамоа хавфли футбол кўрсатмоқда.

  • 79'

    Тезкор қарши ҳужумга ўтаётган Салаҳни қўллари билан ушлаб олган Ляпорт огоҳлантирилди.

  • 77'

    Бурчак зарбасидан сўнг меҳмонлар ҳимоясида саросима юзага келди. Алиссон тўпни эгаллаб олди.

  • 74'

    "Шаҳарликлар" 2 дақиқа давомида рақибни жарима майдони ичига қамади.

  • 72'

    Салаҳ шеригининг узатмасини ўзига бўйсундира олмади.

  • 70'

    Энди "қизиллар" штурм уюштиряпти. "Сити" ҳимояда.

  • 68'

    Ҳужумда қоида бузган Жезус жамоасининг уринишини кўкка совурди.

  • 65'

    "Шаҳарликлар" тўпни ўзида ушлаб турибди.

  • 63'

    Трент жароҳат олиб майдонни тарк этди. Унинг ўрнига Жеймс Мильнер майдонга тушди.

  • 62'

    Трент Александр-Арнольдга тиббий ёрдам кўрсатилмоқда.

  • 61'

    Тўпни олдириб қўйган Стерлинг рақибига нисбатан қўполлик ишлатди. Ҳакам уни огоҳлантирди.

  • 60'

    Вейналдус усталик билан Стерлингни зарарсизлантирди.

  • 59'

    Жердан Шакири захирадан майдонга тушди. Унинг ўрнига Фирминьо майдондан олинди.

  • 58'

    Диаш Маненинг дарвозабон билан бирга-бир вазиятга чиқиб боришига йўл қўймади.

  • 56'

    Фирминьо жарима майдони яқинидан ноаниқ зарба йўллади.

  • 55'

    Канселунинг моҳирона узатмасини Жезус кўкка совурди.

  • 54'

    "Сити"нинг ҳужуми Уокернинг хатоси туфайли тўхтаб қолди.

  • 52'

    Ўйин жуда юқори темпда давом этмоқда. Жамоалар марказда тўхтаб турмаяпти.

  • 50'

    Жота қулай имкониятдан фойдалана олмади. Унинг зарбаси кутилганидек чиқмади.

  • 49'

    Мане шерикларига тўп оширди. Эдерсон тўпни узоқлаштирди.

  • 47'

    Де Брюйнега тиббий ёрдам кўрсатилди.

  • 46'

    Де Брюйнега нисбатан қўполлик ишлатган Матип огоҳлантирилди.

  • 46'

    Иккинчи тайм бошланди!

  • 46'

    Футболчилар майдонга қайтди. Биз ҳам қайтамиз!

  • 45+3'

    Супер темпда ўтган биринчи тайм якунланди. Танаффус!

  • 45+3'

    "Ливерпуль" ҳужумчилари рақиб жарима майдонида бир-бирларини тушуниб ҳаракат қила олмади.

  • 45+2'

    Трент яхши зарба берди. Бироз тўп тўсин юқорисидан ўтиб кетди.

  • 45+1'

    Диаш жарима майдони яқинида Манени йиқитди. Мерсисайдликларда таймни ғолиб ҳолда якунлаш учун ажойиб имконият.

  • 45'

    Биринчи бўлимга 3 дақиқа қўшиб берилди.

  • 44'

    Трентнинг кучли зарбасини Эдерсон ушлаб олди. "Қизиллар" тайм сўнгида жуда хавфли вазият яратди.

  • 42'

    Де Брюйне!!! Кевин тўпни ўзидан чапга тепди. Зарбага бироз аниқлик етишмади.

  • 41'

    Видеотакрорларни кўрган Крег Поусон 11 метрлик нуқтага ишора қилди.

  • 40'

    Ҳакам видеотакрорларни ўз кўзи билан кўриш учун майдон четига келди.

  • 39'

    Жарима майдони ичида тўп Жо Гомеснинг қўлига тегди. Ҳакам ҳозирча, жим.

  • 37'

    Гвардиола шогирдлари учун рақиб жарима майдонига ёриб кириш осон кечмаяпти. Шунинг учун, улар узаро узатмалар амалга ошириб, қулай фурсат кутмоқда.

  • 35'

    Жарима майдони ташқарисидан Жота ноаниқ зарба йўллади.

  • 34'

    Жамоалар ҳужумга ўтишни тўхтатмаяпти. Ҳар икки дарвоза қаршисида тез-тез хавфли вазиятлар гувоҳига айланмоқдамиз.

  • 32'

    Голдан руҳланган "шаҳарликлар" яна олдинга борди. Де Брюйне бу сафар ўзи зарба берди. Тўп устун ёнгинасидан ўтиб кетди.

  • 31'

    ГООООООООООЛЛЛЛЛЛЛ! Жезус ҳисобни тенглаштирди!
    Де Брюйненинг жарима майдонига узатган тўпини Габи усталик билан зига бўйсундириб, дарвозабоннинг ожиз нуқтасини топа олди.

  • 29'

    Фирминьо жамоасининг тезкор қарши ҳужумини давом эттира олмади. Вазият позицион ҳужумга айланиб кетди.

  • 27'

    "Сити" қисқа узатмалар билан рақиб ҳимоясидаги бўш ҳудудни изламоқда.

  • 25'

    Де Брюйненинг узатмасидан сўнг дарвозабон қаршисида ёлғиз қолган Стерлинг зарба берди. Алиссон ўз ўрнида!

  • 24'

    "Шаҳарликлар" бугун ўзига ўхшамаяпти.

  • 22'

    Жуда қулай имкониятни Мане кўкка совурди. Садио тўпни шерикларига узатишда жуда оддий ўйнади. Диаш барчасини назорат остида ушлаб турганди.

  • 21'

    Стерлинг бирга-бир вазиятга чиқиб бориши мумкин эди. Матип яхши ҳимояланди.

  • 19'

    Ферран Торрес ҳужумда қоида бузди. Мане жабрланувчи ролида.

  • 18'

    Одатда, Хендерсон узоқ масофадан яхши зарба йўллайди. Аммо бу сафаргиси ноаниқ.

  • 17'

    Стандарт вазиятдан Де Брюйне жарима майдонига тўп узатди. Жамоадошлари тўпга ета олмади.

  • 15'

    Арнольд қанотда Стерлингни ўтказмади.

  • 13'

    ГООООООООООЛЛЛЛЛЛЛ! Салаҳ ҳисобни очди!

    Тўп қаршисига келган Муҳаммад ўзидан чап бурчакка кучли зарба берди. Эдерсон ўз жойидан жилмади.

  • 12'

    Уокер жарима майдони ичида Манега нисбатан қоида бузди. Бу - пенальти!

  • 11'

    Жарима майдони марказига Мане томонидан узатилган тўпга шериклари ета олмади.

  • 9'

    Хендерсон Де Брюйнени ажойиб тарзда зарарсизлантирди.

  • 8'

    Мане воқеалар ривожидан бироз илгарилаб кетди.

  • 6'

    "Шаҳарликлар" ўз услубига мос равишда тўпни назорат қилмоқда. Мерсисайдликлар прессингда.

  • 5'

    Робертсон узатган тўпга Салаҳ ета олмади.

  • 4'

    Меҳмонлар эрта прессинг уюштирмоқда.

  • 2'

    "Қизиллар" ўйинни шиддат билан бошлади. Мане ташлаб берган тўпни Фирминьо дарвозага йўллай олмади.

  • 1'

    Учрашув бошланди!

  • 0'

    Футболчилар майдонга тушиб келди. Старт учун барчаси шай!

Фикрлар

Фикр қолдириш учун авторизациядан ўтинг!