АПЛ. "Манчестер Сити" - "Манчестер Юнайтед": Шоу ҳисобни ишончли кўринишга келтирди! (матнли трансляция)
Ассалому алайкум, мухтарам футбол ихлосмандлари! Англия Премьер-лигаси 27-туридан ўрин олган "Манчестер Сити" - "Манчестер Юнайтед" учрашуви матнли трансляция кўринишида эътиборингизга ҳавола этилади. Уни сизлар билан Жавоҳир Азимов кузатиб боради.
- 90+6'
Учрашув якунланди. Матнли трансляция Жавоҳир Азимов томонидан олиб борилди.
- 90+4'
Де Брюйненинг кучли зарбасидан кейин тўпни дарвозабон қайтарди.
- 90+2'
Майдон эгалари сўнгги сонияларни ҳам ҳужумда ўтказмоқда.
- 90'
Ўйиннинг асосий вақтига 5 дақиқа қўшиб берилди.
- 88'
Антони Марсьяль ўз ўрнини Неманья Матичга бўшатиб берди.
- 87'
Бурчакдан етказиб берилган тўпга Стоунз бироз ета олмади.
- 85'
"Сити" кетма-кет уринишлардан наф чиқара олмаяпти. Сўнгги бор бундай вазият қачон бўлганлиги шахсан менинг ёдимда йўқ.
- 83'
Де Брюйненинг узатмасидан кейин ҳимоячилар тўпни рақибга бермади. МЮ жуда тартибли ҳимояланмоқда.
- 81'
Уан-Биссака ўз жарима майдони ичида усталик билан ҳимояланди ва тўпни узоқлаштирди.
- 79'
Жарима майдони марказига етказиб берилган тўпга Стерлинг зарба бера олмади. Ўта қулай имконият кўкка совурилди.
- 77'
Гвардиола шогирдлари катта иштиёқ билан олдинга ўтмоқда. Аммо аксарият вазиятларда уларга омад кулиб боқмаяпти.
- 75'
Жамоасининг чиройли ҳужумини Фоден ноаниқ зарбаси билан якунлади. Фил ўйинга фаоллик қўшганини эътироф этиш жоиз.
- 74'
Жароҳат олган Маркус Рэшфорд ўз ўрнини Мэйсон Гринвудга бўшатиб берди.
- 73'
Футболчилар қолиб, майдон четидаги мураббийлар ўзаро тортишиб кетди. Мана бу ҳақиқий дерби!
- 71'
Габриель Жезус ўз ўрнини Фил Фоденга бўшатиб берди.
- 70'
Маркус Рэшфорд тиббиёт ходимларининг ёрдамига эҳтиёж сезмоқда.
- 68'
Марсьяль томонидан йўлланган зарбани Эдерсон қайтаришга эришди.
- 66'
Жоау Канселу ўз ўрнини Кайл Уокерга бўшатиб берди.
- 65'
Жезуснинг узатмасидан кейин тўп хавфли вазият юзага келди. Бироқ "шаҳарликлар"дан ҳеч ким тўпга ета олмади.
- 63'
Жарима майдони ичида МЮ футболчиси Жезусни усталик билан тўхтатди. Бугун "қизиллар"нинг кунига ўхшайди.
- 62'
"Қизил иблислар" зич ҳимояланмоқда. Мезбонлар ҳужумда катта қаршиликка дуч келяпти.
- 60'
Махрезнинг кучли зарбасидан кейин тўп трибуналарга йўл олди.
- 58'
Люк Шоуга сариқ карточка кўрсатилди.
- 57'
Марсьялнинг жарима майдони ичидан йўллаган зарбасини Эдерсон ушлаб олди.
- 55'
Дэниель Жеймснинг зарбасидан кейин тўп йўлига Зинченко блок қўйишга муваффақ бўлди.
- 54'
МЮ футболчилари олдинги чизиқда шунчаки вақт ўтказиш учунгина тўпни бир-бирига узатяпти.
- 52'
Гол ўтказиб юборган "Сити" ўйинга фаоллик қўшмоқда. Интрига учун ҳам улар гол уриши шарт!
- 50'
ГООООООООООООООООООООООЛЛЛЛЛЛЛЛЛЛЛЛЛЛЛЛЛ! МЮ ҳисобдаги фарқни оширди!
Майдоннинг ярмини ўзи босиб ўтган Шоу жарима майдони ичидан аниқ зарба йўллаб, ҳисобни ишончли кўринишга келтирди.
- 48'
Буууууууууууууумммммм! Родрининг зарбасидан кейин тўп устунни титратди.
- 46'
Иккинчи тайм бошланди!
- 46'
Футболчилар майдонга қайтди. Биз ҳам қайтамиз!
- 45+2'
Танаффус!
- 45+1'
Махрезнинг зарбаси устун ёнгинасидан ўтиб кетди.
- 45'
Биринчи таймга 1 дақиқа қўшиб берилди.
- 43'
Кевин де Брюйненинг зарбасидан кейин тўп тўсин юқорисидан ўтиб кетди.
- 42'
Родрига нисбатан Бруну қоида бузди. "Сити"да яхши стандарт юзага келди.
- 41'
Жон Стоунз ўз жарима майдони ишончли ҳаракат қилиб, хавфни бартараф этди.
- 39'
Мезбонларнинг чап қаноти фаолроқ ҳаракат қилмоқда. Стерлинг - Зинченко тандеми ҳимоячиларга бошоғриқ туғдиряпти.
- 37'
Гюндоганнинг яқин масофадан йўллаган зарбасини Хендерсон эгаллаб олди.
- 34'
"Шаҳарликлар"нинг навбатдаги уриниши Стерлингнинг ноаниқ узатмаси туфайли охирига етмай қолди.
- 32'
Жезусга нисбатан жиддий қўполлик ишлатган Магуайр огоҳлантирилди.
- 30'
"Сити"га қарши ўйинда МЮ тўпни назорат қилмоқда. Бунақаси доим ҳам кузатилмайди, азиз мухлислар.
- 28'
Шоуни "хот-догга жўнатган" Махрез жарима майдони марказига узатма амалга оширди. Аммо Магуайр хавфни бартараф этди.
- 26'
"Шаҳарликлар" яна бироз сокинлашди. Бу тўфон олдидан бўладиган сукунатдек туюлмоқда.
- 24'
Зинченконинг "пушка" зарбасидан кейин дарвозабон тўпни қайтарди.
- 23'
Жарима майдони ичига ёриб кирган Стерлинг йиқилиб тушди. Энтони Тейлор унга ўрнидан туриши кераклиги уқтирди.
- 20'
Ўйин шиддатли ҳужумлар остида давом этмоқда. Футболчилар бир лаҳза бўлсада тинмаяпти.
- 18'
Марсьяль бир рақибини усталик билан ортда қолдирди. Аммо бошқа рақиби ортдан етиб келиб, уни тўхтатди.
- 16'
Жарима майдонига яқин ҳудудда Рэшфорд ккучли зарба йўллади. Эдерсон ўз ўрнида.
- 13'
Гвардиола шогирдлари майдон марказида тўпни назорат қилмоқда. Бироқ баъзи вазиятларда узатмалар хато йўналиш оляпти.
- 11'
Бруну Фернандеш ҳужумда қоида бузди. Тўп мезбонларга қайтарилади.
- 9'
Гюндоганнинг жарима майдони яқинидан йўллаган зарбасини Хендерсон ушлаб олди.
- 8'
"Сити" позицион ҳужумларни бошлаб юборди. Ана энди улардан тўпни олиб қўйиш муаммо бўлади.
- 6'
"Шаҳарликлар" майда паслар билан рақибни ҳовуридан тушуришга уринмоқда.
- 4'
Гол урган меҳмонлар фаол ўйин кўрсатишда давом этмоқда. Бу сафар Шоу жарима майдони ичига ёриб кирди ва зарба берди. Элерсон тўпни қайтарди.
- 2'
ГООООООООООООООООООООООЛЛЛЛЛЛЛЛЛЛЛЛЛЛ! Учрашувда ҳисоб очилди!
Тўп қаршисига келган Бруну Фернандеш ўзидан чап бурчакка зарба бериб, ҳисобни очди!
- 1'
Илк дақиқадаёқ Марсьялга нисбатан ишлатилган қўполлик учун мезбонлар дарвозаси томон пенальти белгиланди.
- 1'
Ўйин бошланди!
Фикрлар