АПЛ. "Манчестер Сити" "Ливепруль"ни аяб ўтирмади

Премьер-лига 29-турининг марказий ўйини "Манчестер Сити" - "Ливепруль" учрашуви бўлиб ўтди. Баҳс "шаҳарликлар"нинг йирик 4:1 ҳисобидаги ғалабаси билан тугади. 

Дастлаб Салоҳ 17-дақиқада ҳисобни очди. Орадан 10 дақиқа ўтар-ўтмас Альварес имкониятларни тенглаштирди. Иккинчи тайм бошида Де Брюне жамоасини олдинга олиб чиқди. Қолган дақиқаларда Гюндоган ва Грилиш ўз номига биттадан гол ёздириб, ҳисобни йирик кўринишига олиб келди. 

3 очкони қўлга киритган "Манчестер Сити" 64 очко билан 2-ўринда бормоқда. "Ливерпуль" эса 6-поғонадан жой олган.