АПЛ. "Манчестер Сити" Лондонда очко йўқотди

Англия Премьер лигаси 37-туридан ўрин олган "Вест Ҳэм" - "Манчестер Сити" учрашуви якунига етди. Унда томонлар 2:2 ҳисобидаги жанговар дурангга имзо чекди.

"Болғачилар" сафида Жаррод Боуэн дубль қайд этди, "шаҳарликлар"дан эса, Грилиш ҳисобни қисқартирди. Владимир Цоуфалнинг автоголи мувозанат тикланишига сабаб бўлди. Иккинчи тайм сўнгида манчестерликлардан Риёд Маҳрез пеналтидан унумли фойдалана олмади.

Шу тариқа, энг яқин таъқибчиси "Ливерпуль"дан 1 та кўп ўйин ўтказган Гвардиола шогирдлари 4 очко илгарилаб кетди. Мойес жамоаси 56 очко билан 7-поғонани банд этган.