АПЛ. МЮни мағлуб этган "Лестер" "Манчестер Сити"нинг чемпион бўлишига қарашиб юборди

Англия Премьер-лигаси 36-туридан ўрин олган "Манчестер Юнайтед" - "Лестер" учрашуви ўз якунига етди. Унда меҳмонлар 2:1 ҳисобида ғалаба қозонди.

Меҳмонлар футболчиси Люк Томас тезкор гол билан ҳисобни очиб берди. Орадан кўп ўтмай, Мэйсон Гринвуд тарози паллаларини тенглаштирди. 66-дақиқада дарвозани ишғол этган Сеюнжу жамоасига муҳим ғалабани тақдим этган голга муаллифлик қилди.

Шу тариқа, "тулкилар" очколари сонини 66тага етказиб олган ҳолда, 3-ўринга кўтарилди. 2-поғонадаги МЮ ҳисобида 70 очко мавжуд. Чемпионат якунига 3 тур қолганида "Манчестер Юнайтед" ва "Манчестер Сити" ўртасидаги очколар фарқи 10 тага етди ҳамда "шаҳарликлар" АПЛ 2020/21 йилги мавсуми чемпионига айланди.

• 90+3'
  

  Учрашув якунланди. МЮни мағлуб этган "Лестер" "Манчестер Сити"нинг чемпион бўлишига қарашиб юборди!

• 90+2'

  Фернандешнинг узатмасидан кейин тўпга Кавани етиб бора олмади. Энди жуда қийин.

• 90'
  

  Ўйиннинг асосий вақтига 3 дақиқа қўшиб берилди.

• 88'

  Сўнгги дақиқалар "қизил иблислар"нинг катта устунлиги остида давом этмоқда.

• 86'
  

  Манкунияликлар навбатдаги бурчак зарбасидан унумли фойдалана олмади.

• 84'

  МЮ ўйинни жонлантирди. Брунунинг жарима майдони ичидан берган зарбаси ноаниқ кетди.

• 82'

  Кавани тўп учун курашда рақибини туртиб юборди. Ҳакам ўйинни тўхтатди.

• 80'
  

  Рожерс майдон марказини кучайтирди: Варди ўрнига Чудури ўйинни давом эттиради.

• 79'
  

  Амад Диалло ўз ўрнини Бруну Фернандешга бўшатиб берди.

• 78'

  Меддисоннинг жарима майдони ташқарисидан йўллаган зарбаси ноаниқ кетди.

• 76'

  Тўпни ўзидан узоқлаштириб юборган Рэшфорд жамоаси қарши ҳужуми барбод бўлишига сабаб бўлди.

• 75'

  Алекс Теллеснинг узатмаси дарвоза томон йўналди. Бироқ аниқ эмас.

• 72'

  Тилеманснинг кучли зарбаси йўлига ҳимоячилар блок қўйишни уддалади.

• 70'

  Жарима майдони яқинида Меддисон йиқилиб тушди. Ҳакам негадир жарима зарбаси белгиламади.

• 68'

  "Иштаҳаси очилган" "тулкилар" фаолликда давом этмоқда.

• 66'
  

  ГОООООООООЛ! "Лестер" ҳисобда олдинга ўтиб олди!

  Жарима майдонига узатилган тўпни баланд сакраган Суюнжу дарвозага киритди.

• 66'
  

  Сульшер ҳам юриш амалга оширади: Амад Диалло ва Мэйсон Гринвуд ўрнига Рэшфорд ҳамда Кавани ўйинга қўшилди.

• 65'
  

  "Лестер" сафида ўзгариш: Айозе Перес ўз ўрнини Жэймс Меддисонга бўшатиб берди.

• 64'

  Тўп назорати "тулкилар" томонга ўтди.

• 61'

  Тилеманснинг узатмасига Варди ета олмади.

• 59'
  

  Ихеаначонинг яқин масофадан берган зарбасини Де Хеа қайтарди.

• 58'

  Жарима майдони марказига етказиб берилган тўпни МЮ ҳимоячиси узоқлаштирди.

• 55'
  

  "Қизил иблислар" бурчак зарбасидан наф чиқара олмади.

• 53'

  Қанотда Фофана Гринвудга нисбатан қоида бузди. Мезбонларда стандарт вазият.

• 51'

  Ўйин бироз паст темпда давом этмоқда.

• 48'

  Тўпни МЮ футболчилари назорат қилмоқда.

• 46'
  

  Иккинчи тайм бошланди!

• 45+2'
  

  Тилеманснинг зарбаси жонли девордан ўтмади. Биринчи бўлим якунланди. Танаффус!

• 45+1'

  "Лестер" жарима майдони яқинида стандарт вазиятга эга бўлди.

• 45'
  

  Биринчи бўлимга 1 дақиқа қўшиб берилди.

• 42'

  Жэйми Варди ҳужумда қўполлик ишлатди.

• 39'

  Ўйин темпи бироз пасайди. Томонлар эҳтиёткорликни биринчи планга чиқарди.

• 37'

  Тўп учун курашда Суюнжу Гринвуддан чаққонроқ ҳаракат қилди.

• 36'

  Рожерс шогирдлари тўпни ўзларида ушлаб турибди.

• 34'

  Уильямс тўпни дарвозабонга қайтаришда хатога йўл қўйди. Унинг бахтига, Де Хеа тўпга Вардидан олдин етиб келди.

• 32'

  МЮ позицион ҳужумлар уюштирмоқда. "Лестер"нинг тактикаси қарши ҳужумларга асосланган.

• 29'

  Ихеаначонинг пасидан кейин Варди офсайдда қолиб кетди. Жэйми тўпга югурмади.

• 27'
  

  Тилеманснинг узатмаси дарвозага кириб кетишига бир баҳя қолди. Де Хеа хавфни бартараф этди.

• 26'

  Аксарият ҳолларда футболчилар пасларни ноаниқ амалга оширяпти.

• 24'

  Манкунияликлар тўп назоратини ўзларида ушлаб турибди.

• 22'

  Вардининг узатмасидан кейин Туанзебе тўпни майдон ташқарисига чиқариб юборди.

• 20'

  Марказда Ндиди Хуан Матага нисбатан қоида бузди. Ҳакам уни оғзаки огоҳлантирди.

• 17'

  Ван Де Бекнинг узатмаси шеригига қадар етиб бормади.

• 15'
  

  ГОООООООООООЛ! Мезбонлар кўп ўтмай ҳисобни тенглаштирди!

  Жарима майдони ичида бир рақибини алдаб, қулай имкониятга эга бўлган Гринвуд аниқ зарбаси билан дарвозани ишғол этди.

• 14'

  Тўп назорати Брендан Рожерс шогирдлари томонда бўлиб турибди.

• 12'

  Манчестер шаҳрида ёғаётган кучли ёмғир футболчитлар ҳаракатига ўз таъсирини ўтказмай қолмаяпти.

• 10'
  

  ГООООООООООЛ! Кутилганидек, меҳмонлар учрашувда ҳисобни очди!

  Қанотдан етказиб берилган тўпни Томас дарвозанинг тўққизлик бурчагига жойлаб қўйди.

• 8'

  "Лестер" футболчилари рақибнинг ёш вакилларини осонгина доғда қолдирмоқда.

• 5'
  

  "Тўлкилар" бурчак зарбасидан унумли фойдалана олмади. Ндиди ҳужумда қоида бузди.

• 3'

  Меҳмонлар илк дақиқалардан фаоллик кўрсатмоқда.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!