АПЛ. "Ньюкасл" Лондонда "Тоттенхэм"дан устун келди

Англия Премьер лигаси 13-тури доирасидаги "Тоттенхэм" - "Ньюкасл" учрашуви якунига етди. Қизиқарли ва кескин курашлар остида ўтган баҳсда "қарғалар" 2:1 ҳисобида ғалаба қозонди. 

Учрашувдаги ҳисоб биринчи таймнинг 31-дақиқасида очилди. Каллам Уилсон Уго Льориснинг қўпол хатосидан кейин ўз ҳисобига битта гол ёздириб қўйди. 40-дақиқага келиб, "Ньюкасл" ўйиндаги иккинчи голини киритди. Мигель Алмирон "шпорлар" ҳимоячиларини бир ўзи алдаб, жамоасининг ғалабасини мустаҳкамлади. 

Иккинчи таймнинг бошида, аниқроғи 54-дақиқада бурчакдан ошириб берилган тўпни Харри Кейин бош билан дарвозага йўллаб, ҳисобни биттага қисқартирди. Баҳснинг қолган дақиқалари ҳам қизиқарли ўтди. Бироқ бошқа гол уриш ҳеч бир жамоага насиб қилмади.