АПЛ пандемия кучайса нима қилишни билмайди

Англия премьер-лигаси раҳбариятида коронавирус билан боғлиқ вазият оғирлашган тақдирда унга қарши аниқ режа йўқ.

ESPN нашри тарқатган хабарга кўра, премьер-лига раҳбарларидан бири мавсумни икки ҳафтага тўхтатиб туриш таклифини билдирмоқчи. Аммо бу ҳали кўриб чиқилмаган. Чемпионатнинг 3 та гранд клуби вакиллари эса уларга мавсумни икки ҳафтага тўхтатиш мумкинлиги тўғрисида бехабар эканликларини айтган.

Чемпионат тўхтатилган тақдирда АПЛ раҳбариятининг қандай ҳаракат қилиши номаълумлиги клубларни хавотирга қўймоқда.

Премер-лига клубидаги яна бир манбанинг фикрича, ҳозирги вазиятда жамоаларнинг ўзи айбдор, чунки улар бундай муҳим масалада мустақил равишда келиша олишмаган.

Кеча Буюк Британияда коронавирусга чалиниш бўйича кунлик антирекорд янгиланди. Бир суткада 53 135 та касалланиш билан боғлиқ ҳолат қайд этилган.

Фикрлар

Фикр қолдириш учун авторизациядан ўтинг!