АПЛ. "Қотил тандэм" гол урган ўйинда "Тоттенхэм" муҳим ғалабага эришди

Англия чемпионатининг 17-туридан ўрин олган "Тоттенхэм" ва "Лидс" жамоалари ўртасидаги ўйин якунланди. Мазкур баҳсда мезбонлар йирик 3:0 ҳисобида ғалаба қозонди.

Учрашувни "шпорлар" ҳужумкор бошлади. Ўйиннинг 29-дақиқасида 11 метрлик нуқтадан Харри Кейн ҳисобни очди. Биринчи бўлимнинг сўнгги дақиқаларида Кейн яна катта саҳнага чиқди. Бу сафар у ўз номига ассист ёздириб қўйди. Харрининг узатмасидан кейин Сон яқин масофадан зарба йўллаб, ҳисобни яна биттага оширишга эришди.

Иккинчи бўлимнинг 50-дақиқасида Соннинг бурчакдан узатган тўпини Тоби Алдервейлер дарвозага жойлаб қўйди. Қолган дақиқаларда жамоалар қанча ҳаракат қилмасин ўйинда бошқа гол урилмади.

Шу тариқа, "шпорлар" мазкур ғалабадан сўнг 29-очко билан 3-ўринга кўтарилиб олди.

• 90+3'
  

  Учрашув якунланди!

• 90+1'
  

  Доэрти иккинчи сариқ карточкани олди ва майдонни тарк этди

• 90+3'
  

  Учрашувга 3 дақиқа қўшиб берилди.

• 86'
  

  "Тоттенхэм"  сафида навбатдаги ўзгариш: Кейн ўрнига Винисиус майдонга туширилди

• 84'
  

  Хойберг огоҳлантирилди

• 82'

  Доэрти жарима майдони ташқарисида турган Хойбергга тўпни узатди. Унинг олисдан йўллаган зарбасини ҳимоячилар қайтарди

• 77'
  

  Мезбонлар сафида яна бир ўзгариш бўлади. Ндомбеле ўрнини Моурага бўшатиб берди

• 76'
  

  "Тоттенхэм" сафида ўзгариш: Харри  Уинкс ўрнига Сиссоко туширилди

• 71'

  "Лидс" кетма-кет ҳужумлар уюштирмоқда, бироқ ҳужумни якунловчи футболчилар етишмаяпти

• 66'

  "Тоттенхэм" ҳисобни яна биттага ошириб қўйиши мумкин эди. Харрининг зарбасини дарвозабон қайтарди

• 65'
  

  Бьелса жамоасидан яна бир ўзгариш: Родриго майдонни тарк этди, унинг ўрнига Пабло Эрнандес туширилди

• 64'
  

  Мэтт Доэрти огоҳлантирилди

• 63'
  

  Меҳмонлар таркибидаги навбатдаги ўзгариш: Алиоски ўрнига Шаклетон туширилди

• 60'

  ЗАРБАА! Бергвейннинг зарбасини дарвозабон қайтарди

• 60'

  "Лидс" сафида ўзгариш бўлади. Хариссон ўз ўрнини Поведага бўшатиб берди

• 55'

  Рафиньянинг зарбаси ҳимоячиларга тегиб қайтди

• 52'

  "Тоттенхэм" тўхтамаяпти. Кейннинг кучли зарбаси дарвозанинг ёнгинасидан ўтиб кетди

• 49'
  

  ГООООООЛ! Сон Хён Мининг бурчакдан узатган тўпига Алдервейрелд боши билан зарба йўллаб голга айлантирди

• 49'

  СЕЙВ! Ндомбеленинг кучли зарбасини дарвозабон қийинчилик билан қайтаришга эришди

• 48'

  Бен Дэвис Рафиньяга нисбатан фол ишлатди

• 45'
  

  Иккинчи бўлим бошланди

• 45'
  

  Биринчи бўлим якунланди. Ҳозирча ҳисоб 2:0.

• 43'
  

  ГООООООООЛ! Кейндан ассист. Гол муаллифи эса Сон. Харрнинг қанотган узатган тўпини Хён Мин яқин масофадан дарвозага жойлаб қўйди

• 41'

  Харисоннинг кучли зарбаси дарвоза тўсининг ёнгинасидан ўтиб кетди

• 38'

  Бэмфорднинг  зарбасини ҳимоячилар қайтарди

• 35'

  ВААААҲ! Бергвейн нималар қиляпсан?! Ҳужумчи яқин масофадан анча ноаниқ зарба йўллади. Моуриньо ҳам ҳайратда!

• 33'

  Родриго ноқулай тарзда дарвоза томон зарба йўллади, бироқ ноаниқ чиқди

• 28'
  

  Нуқтага яқинлашган Харри Кейн зарбада янглишмади ва ўйинда ҳисобни очди

• 27'
  

  "Лидс" дарвозаси томон пенальти белгиланди.

• 26'

  Ўйин темпи бироз пасайди. Жамоалар асосан майдон марказида ўйнашмоқда 

• 22'

  "Лидс" чиройли ҳужум амалга оширди. Сўнгги паллада Бэмфорднинг бош билан берган зарбасига аниқлик етишмади

• 20'

  Хойберг жарима майдони ташқарисидан зарба йўллади. Дарвозабон қийинчиликсиз тўпни ушлаб олди

• 16'

  ЗАРБАААА! Сон тўпни Кейнга қолдирли. Харрининг кучли зарбаси дарвоза тепасидан ўтиб кетди

• 14'

  Сон рақиб футболчисига нисбатан қоида бузди

• 12'
  

  Бурчакдан узатилган тўпни "Лидс" посбони баланд сакраб ушлаб олди

• 11'

  "Шпорлар"да яхши имконият бўлиши мумкин эди, бироқ Сон Бергвейн узатган тўпга ета олмади

• 9'

  Меҳмонлар тинмаяпти. Килич тўпни гавдаси билан тўхтатиб олиб зарба йўллади, яна аниқлик етишмади

• 4'

  ВУУҲ! Алиоски дарвоза томон кучли зарба йўллади, бироз ноаниқ

• 2'

  "Лидс" сафарда ўйнаётганига қарамай дастлабки дақиқаларданоқ ҳужумда фаол ҳаракат қилмоқда

• 1'
  

  Ўйинга старт берилди!

• 0'

  Жамоалар стадионга чиқиб келишмоқда