АПЛ рекорд трансфер остонасида турибди

"Манчестер Сити" "Астон Вилла" ярим ҳимоячиси Жек Грилишнинг трансфери учун қанча тўлаши маълум бўлди.

Италиялик журналист-инсайдер Фабрицио Романонинг сўзларига кўра, трансфер 117 миллион еврони ташкил қилади. Агар трансфер амалга ошса, бу Англия премьер-лигаси учун рекорд бўлади.

Грилиш бугун “шаҳарликлар” сафида тиббий кўрикдан ўтиши кутилмоқда. Барчаси ижобий якунлангач, у "Сити" билан 2026 йилгача шартнома имзолайди.

Эслатиб ўтамиз, бундан аввалроқ агар Грилиш “Манчестер Сити”га ўтса, “шаҳарликлар”нинг португалиялик ярим ҳимоячиси Бернарду Силва жамоани тарк этиши ҳақида хабарлар тарқалган эди.