АПЛ. Шогирд устозидан устун келди

"Тоттенхэм" стадионида кечган Лондон дербисида "аристократлар" 2:0 ҳисобидаги ишончли ғалабани қўлга киритишди. Учрашувдаги ҳар иккала голга Виллиан муаллифлик қилди. 

Қайд этиш жоиз, беллашув дербига ҳос бўлди ва бош ҳакам Энтони Тэйлор ўз чўнтагидан 6 бор сариқ, 1 марта эса қизил карточкани чиқаришга мажбур бўлди.

Бугунги ғалабадан сўнг Фрэнк Лэмпард шогирдлари ҳисобидаги очколар сони 32 тага етди ва жамоа турнир жадвалида 4-ўриндан мустаҳкам ўрин олди. 26 очкога эга бўлган Жозе Моуриньо бошлиқ "шпорлар" эса 7-поғонани банд этиб туришибди.