АПЛ. "Сити" дуранг ўйнади, "Арсенал"да ғалаба!

Англия Премьер-лигаси 5-тури доирасидаги "Манчестер Сити" - "Саутгемптон" учрашуви ниҳоясига етди. Унда томонлар 0:0 ҳисобида дуранг ўйнади.

Шунингдек, "Бёрнли" - "Арсенал" беллашуви ҳам якунланди. Ўйин тақдирини ҳал этган ягона гол 30-дақиқада Мартин Эдегор томонидан киритилди.

Шу тариқа, 5-тур ўйинини ўтказган "Сити" онлайн жадвалда 2, "Арсенал" 12, "Саутгемптон" 15 ҳамда "Бёрнли" 19-ўринни эгаллаб турибди.

• 90+6'
  

  Учрашув якунланди. "Сити" очко йўқотди.

• 90+4'

  Меҳмонлар шу натижага розидек кўринмоқда. Улар тўпни назорат қиляпти.

• 90+3'

  Узоқ давом этган муҳокамалардан сўнг ҳакам голни инобатга олмаслик қарорида қатъий қолди.

• 90+1'
  

  Стерлинг гол урди. Бироқ Рахим офсайдда қолиб кетгани учун ҳакам уни бекор қилди.

• 90'
  

  Ўйиннинг асосий вақтига 5 дақиқа қўшиб берилди.

• 89'
  

  Мезбонлар бурчакдан тўпни ўйинга киритиш имкониятини қўлга киритди.

• 87'

  Кевин Де Брюйненинг зарбаси йўлига ҳимоячилар блок қўйишга муваффақ бўлди.

• 84'
  

  Стерлингга нисбатан қоида бузган Ливраменто огоҳлантирилди.

• 82'

  Махрезнинг кучли зарбасини ҳимоячилар дарвозага қадар ўтказмади.

• 81'

  Меҳмонлар хавфли бўлмаган аниқ зарбалар бермоқда. Бу сафарги уринишни ҳам Эдерсон ушлаб олди.

• 79'

  Ўйин ўртача темпда давом этмоқда.

• 77'

  Жарима майдони ичидан берилган зарбани Эдерсон ушлаб олди.

• 76'

  Жарима майдони ичида Стерлинг йиқилиб тушди. Ҳакам унга ўрнидан туриши кераклигини тайинлади.

• 74'

  "Сити" рақибга нисбатан фаолроқ ҳаракат қилмоқда.

• 72'
  

  Бернарду Сильва ўз ўрнини Филь Фоденга бўшатиб берди.

• 71'
  

  Армстронгга тиббий ёрдам керак.

• 69'

  Жэймс Уорд-Проузнинг узатмасини жамоадошлари дарвозага йўллай олмади.

• 67'
  

  Габи Жезус ўрнига Рияд Махрез майдонга тушди.

• 66'

  Грилишнинг зарбага ўхшаш узатмасига Жезус ета олмади.

• 65'
  

  Фернандиньо ўз ўрнини Кевин Де Брюйнега бўшатиб берди.

• 64'

  ЙЎҚ. Ҳакам ўйинни давом эттиришга рухсат берди.

• 63'

  Рефери видеотакрорларни ўзи кўриш учун майдон четига йўл олди.

• 62'

  Манчестерликлар ҳакамга жиддий эътироз билдирмоқда. Бироқ бу фойдасизга ўхшаяпти.

• 61'
  

  Жарима майдони ичида Уокер рақибига нисбатан қоида бузди. Ҳакам пенальти белгилади.

• 60'

  Хазенхюттль шогирдлари эрта прессинг билан рақибга муаммо туғдиряпти.

• 58'
  

  Тўпга зарба бериш чоғида рақиби билан тўқнашиб кетган Акега тиббий ёрдам кўрсатилмоқда.

• 56'

  Натан Акенинг бош билан йўллаган зарбаси ноаниқ кетди.

• 56'

  Меҳмонлар ҳимояда анча ишончли ҳаракат қиляпти.

• 54'

  Армстронгнинг зарбаси устун ёнгинасидан ўтиб кетди.

• 53'

  Жезуснинг зарбасига аниқлик етишмади.

• 51'

  Жарима майдонига ёриб кирган Канселу йиқилиб тушди. Ҳакам ўйинни давом эттиришга рухсат берди.

• 49'

  Кутилмаганда, "авлиёлар" тўп назоратини ўзларида ушлаб турибди.

• 47'
  

  Биринчисида бўлгани каби иккинчи таймни ҳам фаолроқ бошлади. Бироқ улар бурчак зарбасидан наф чиқара олмади.

• 46'

  Футболчилар майдонга қайтди. Биз ҳам қайтамиз!

• 45+3'
  

  Танаффус!

• 45+2'

  Майдон эгалари бўлим сўнгини позицион ҳужум билан ўтказмоқда.

• 45'
  

  Биринчи таймга 2 дақиқа қўшилди.

• 44'
  

  Эл-Юнуссининг зарбасини Эдерсон ушлаб олди.

• 43'

  Бўлим сўнгини Гвардиола шогирдлари устунликда ўтказмоқда.

• 41'

  Жарима майдонига оширилган тўпга Жезус бироз ета олмади ва унинг зарбаси муваффақиятсиз чиқди.

• 40'

  "Шаҳарликлар" бўлим сўнгида ҳам тўп назоратини ўзларида ушлаб турибди.

• 37'
  

  Меҳмонларда мажбурий ўзгариш: Жек Стивенс ўз ўрнини Муҳаммад Салисуга бўшатиб берди.

• 35'
  

  Жэк Грилишга тиббий ёрдам кўрсатилмоқда.

• 33'

  Илкай Гюндоганнинг стандартдан берган зарбаси бироз ноаниқ кетди.

• 31'
  

  Габи бу сафар воқеалар ривожидан бироз илгарилаб кетди.

• 28'

  Габриэль Жезуснинг узатмасига ҳеч ким ета олмади.

• 27'

  Стерлинг жарима майдони ичидан зарба йўллади. Тўп устун ёнгинасидан ўтиб кетди.

• 25'
  

  Бурчакдан етказиб берилган тўпни МакКарти муштлари билан уриб юборди.

• 24'

  Грилиш Стерлинг томон пас оширди. Беднарек тўпни тўхтатиб, хавфни бартараф этди.

• 22'

  Кайл Уокернинг узатмасидан кейин Гюндоган аниқ зарба бера олмади.

• 20'

  Канселунинг хатосидан сўнг тўпга эга чиққан Ливраменто бироз шошиб қолди. Натижада, у берган пас ноаниқ кетди.

• 18'

  Жарима майдонига оширилган тўпга Гюндоган бироз ета олмади. Яхши комбинация!

• 17'

  Фернандиньонинг бош билан йўллаган зарбаси муваффақиятсиз чиқди.

• 16'

  Қанотдан марказга юрган Грилишга ҳимоячилар ҳалал беришга муваффақ бўлди.

• 15'
  

  Стандартдан жарима майдонига оширилган тўпни Эдерсон қайтарди.Хавфли вазият.

• 13'

  "Сити" кўпчилик билан ҳимояга қайтишга мажбур бўлмоқда. Ҳужум вакили Грилиш ўз жарима майдони яқинида тўпни қабул қилиб оляпти.

• 11'
  

  Айни дақиқаларга келиб меҳмонлар иккинчи бурчак зарбасидан фойдалана олмади.

• 9'

  Ҳар икки жамоа вакиллари қанотларни фаол ишга солган ҳолда олдинга ўтмоқда.

• 7'

  Ральф Хазенхюттль ўз шогирдларини бугунги баҳс учун яхши тайёрлагандек кўринмоқда.

• 5'

  Манчестерликлар ўз услубига мувофиқ тўп назоратини қўлга олишга ҳаракат қиляпти.

• 3'
  

  Меҳмонларнинг илк вазияти бурчак зарбаси бўлди. Аммо муваффақиятсиз.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!