АПЛ."Арсенал" - "Манчестер Сити": Учрашувда ҳисоб очилди! (Матнли трансляция)
Ассалому алайкум, муҳтарам футбол ихлосмандлари. Англия Премьер-лигаси 25-туридан ўрин олган "Арсенал" - "Манчестер Сити" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.
- 90+4'
Учрашув якунланди. Матнли трансляция Жавоҳир Азимов томонидан олиб борилди!
- 90+2'
Рубен Диашга тиббий ёрдам керак. Унга нисбатан Луиз қўпол ўйнади.
- 90+4'
Ўйиннинг асосий вақтига 4 дақиқа қўшиб берилди.
- 87'
Жезусга нисбатан қоида бузган Бельерин жазоланди.
- 86'
Муҳаммад Эл-Нени захирага олинди. Унинг ўрнига Дани Себальос ўйинни давом эттиради.
- 84'
Елкама-елка курашда Стоунз Обамеянгга нисбатан бироз қалтис ўйнади. Бироқ ҳакам вазиятни одатий дея баҳолади.
- 82'
Жароҳат олган Холдинг ўрнига Давид Луиз майдонга тушди.
- 80'
Роб Холдингга тиббий ёрдам кўрсатилмоқда.
- 78'
Канселу ўйин тақдирини ҳал этиб қўйиши мумкин эди. Бироқ унинг зарбаси ноаниқ кетди.
- 75'
Тўп назорати бўйича ҳамон манчестерликлар устунлик кўрсатмоқда.
- 73'
Эдегор ва Пепе ўрнига Ляказетт ҳамда Смит-Роу ўйинни давом эттиради.
- 71'
Ўйин темпи пасайди. Жамоалар хавфли вазият ярата олмаяпти.
- 69'
Стандартдан Эдегор жарима майдонига узатма амалга оширди. Эдерсон тўпни ушлаб олди.
- 67'
Фернандиньонинг жамоадошлари томон узатган паси манзилга аниқ бормади.
- 64'
Канселу огоҳлантирилди.
- 62'
Кевин де Брюйне ўрнига Габриэль Жезус ўйинни давом эттиради.
- 59'
Гвардиола шогирдлари устунликни қайтариб олди.
- 56'
Гюндоган бу сафар аниқ зарба йўллади. Лено ўз ўрнида.
- 55'
Гюндоган жарима майдони ичида иккиланиб қолди. Вазиятдан фойдаланган Холдинг ортдан етиб келиб, хавфни бартараф этди.
- 53'
Бу сафар Стерлингни йиқитган Гранит Жака жазоланди.
- 52'
Сакага нисбатан қўполлик ишлатган Бернарду Сильвага сариқ карточка кўрсатилди.
- 50'
Бўлимни ҳар икки жамоа вакиллари ҳам фаол ўтказмоқда. Икки томонга ҳам ҳужумлар кузатяпмиз.
- 48'
Де Брюйненинг зарбаси хавфли, бироқ озгина ноаниқ чиқди.
- 46'
Иккинчи бўлим бошланди.
- 46'
Футболчилар майдонга қайтди. Биз ҳам қайтамиз!
- 45+2'
Танаффус!
- 45+1'
"Канонирлар"нинг барча уринишларини меҳмонлар бартараф этишга муваффақ бўлди.
- 45'
Биринчи таймга 1 дақиқа қўшиб берилди.
- 43'
Пепенинг яқин масофадан берган зарбаси ноаниқ кетди.
- 41'
Жака жарима майдони ичидаги шерикларига тўпни ташлаб берди. Бироқ ҳимоячилар тўпни узоқлаштирди.
- 40'
Тайм сўнгига келиб лондонликлар ҳам фаоллашиб қолди. Уларга ҳам гол керак.
- 37'
Қарши ҳужумга ўтаётган рақибини йиқитган Диаш огоҳлантирилиши мумкин эди. Бироқ ҳакам оғзаки огоҳлантириш етади деб ҳисоблади.
- 35'
Манчестерликлар бироз муддат тўпни рақибга топширди.
- 33'
Гюндоган жарима майдони ичидан зарба йўллади. Яна ҳимоячилар тўпни дарвозагача ўтказмади.
- 31'
Махрез воқеалар ривожидан бироз илгарилаб кетди.
- 30'
Тирни узоқ масофадан зарба йўллади. Эдерсон ўз ўрнида.
- 29'
"Сити" ҳужумга ўтишда шошилмаяпти, "Арсенал" эса уларга монанд тарзда ўйин боришини жимгина кузатяпти.
- 27'
Махрезнинг зарбасини ҳимоячилар ўтказмади.
- 26'
"Арсенал"нинг камсонли ҳужумларидан навбатдагиси Саканинг ноаниқ ҳаракати натижасида охирига етмай қолди.
- 23'
Тўпни олдириб қўйган вазиятда "Сити" эрта прессинг уюштиряпти. Бу рақибни хато қилишга мажбурламоқда.
- 22'
"Шаҳарликлар" қанотлар бўйлаб олдинга ўтяпти. "Арсенал" битта хатони ҳисобга олмаганда, яхши ҳимояланмоқда.
- 20'
Стерлинг жамоадоши узатган тўпга бормади. Пас бироз ноаниқ эди.
- 18'
Шеригининг зарбасидан кейин тўп йўлига тўғаноқ бўлган Обамеянг офсайдда қолгани учун ҳакам ўйинни тўхтатди.
- 14'
Де Брюйненинг яна бир узатмас манзилга аниқ бормади.
- 11'
Гвардиола шогирдлари ўз одатига мувофиқ тарзда қисқа узатмалар билан рақибни кўпроқ югуришга мажбур қиляпти.
- 9'
"Сити" бурчак тўпидан унумли фойдалана олмади.
- 7'
Манчестерликлар дастлабки дақиқаларни анча фаол ўтказмоқда.
- 5'
Де Брюйненинг уринишини ҳимоячилар бартараф этди.
- 2'
ГООООООООООООООООЛЛЛЛЛЛЛЛЛЛЛЛЛ! Учрашувда ҳисоб очилди!
Махрезнинг уазтмасидан кейин Стерлинг дарвозани ишғол этди.
- 1'
Ўйин бошланди!
Фикрлар