АПЛда мавсумнинг энг яхши футболчиси аниқланди

"Манчестер Сити" ҳужумчиси Эрлинг Холанд АПЛда мавсумнинг энг яхши футболчиси деб топилди. Бу ҳақда лига ижтимоий тармоқдаги расмий саҳифасида малум қилди.

Жорий мавсумда 22 ёшли ҳужумчи АПЛнинг 35 та учрашувида 36 та гол урди ва 8 та голли узатмани амалга оширди.

Аввалроқ, "Манчестер Сити" муддатидан аввал АПЛда олтин медалларни қўлга киритганди. Айни пайтда жамоа 37 турда тўплаган очколари сони 89 тага етган. Мавсумнинг сўнгги ўйинида "шаҳарликлар" сафарда "Брентфорд" билан ўйнайди.