АПЛнинг энг яхши ярим ҳимоячиси ким?
Англия Премьер-лигасининг энг яхши ярим ҳимоячилари рейтинги эълон қилинди.
"Goal" портали журналистлар АПЛнинг энг яхши ярим ҳимоячилари ким эканини маълум қилди. Унга кўра, "Арсенал" хавбеги Деклан Райс айни вақтда "туманли албион"да тенгсиз деб топилди. Иккинчи поғонани эса "Челси" таянч ярим ҳимоячиси Мойзес Кайседо банд этган. Кучли учликни "Манчестер Сити"нинг испаниялик футболчиси Родри Эрнандес якунлаб беради. Шунингдек, кучли ўнликдан, "Манчестер Юнайтед" футболчиси Бруну Фернандеш, "Арсенал" вакиллари Мартин Эдегор ва Мартин Субименди, "Ньюкасл" хавбеги Бруну Гимарайнш, "Сандерланд" ярим ҳимоячиси Гранит Жака, "Ливерпуль" футболчиси Доминик Собослаи ҳамда "Челси" аъзоси Энсо Фернандеслар жой олган.
Маълумот учун, Райс жорий мавсумда барча мусобақаларда умумий 19 та учрашувда майдонга тушиб, 2 та гол урди ва 6 та голга ассистентлик қилди.
Фикрлар