АПЛнинг гранд клублари "Барса" футболчисини нишонга олди!

Испаниялик ҳужумкор ярим ҳимоячи Фермин Лопез ушбу ёзги трансферлар ойнасида ўз жамоасини алмаштириши мумкин. Бу ҳақда "Todofichajes" портали журналистлари хабар берди. 
 
Манбанинг ёзишича 22 ёшли футболчига "Манчестер Юнайтед" ҳамда Лондоннинг "Челси" клублари қизиқиш билдирмоқда. Клублар футболчи учун ўртача 35 миллион евро таклиф қилишди. Бироқ, "кўк-анорранглилар" ярим ҳимоячи учун 50 миллион талаб қилмоқда. Ферминнинг каталонияликлар билан шартномаси 2029 йилнинг ёзига қадар мўлжалланган бўлиб, Тransfermarkt порталидаги нархи 50 миллион евро этиб белгиланган. 
 
Маълумот учун, Фермин жорий мавсум "Барса" сафида умумий 25 та баҳсда майдонга тушиб, 4 та гол ҳамда 4 та голли узатмани ўз номига ёздириб қўйди. 

Ғафуров Асқарбек