Ақлли футболчидан қўрқ!

“Тоттенхэм” тўпурари Ҳарри Кейн профессионалфаолияти давомида ўзига қарши ўйнаган энг кучли ҳимоячилар кимлигини айтди.

- Мен ўзимга қарши ўйнаган ва майдонда дуч келган кўп ҳимоячиларни тилга олишим мумкин. Лекин фаолиятимни бошида Жон Террига қарши ўйнашга қийналардим. У ақлли ҳимоячи бўлган, ортда қолишни истамасди ва тана ҳаракати мукаммал эди. Терри менинг зарбаларимни қандай қайтаришни яхши биларди.  

Яна бир шундай ҳимоячи Жоржо Кьеллини эди. Италия терма жамоаси ва “Ювентус”га қарши ўйнаганимизда унга дуч келганман. Кьеллини ақлли, жисмонан етук ва бақувват ҳимоячи бўлган, - деди Ҳарри Кейн.

Англиялик ҳужумчи фаолияти давомида клублар миқёсида 468 та учрашувда қатнашиб, 277 та гол ва 75 та ассист муаллифи бўлган. Кейн Англия терма жамоаси сафида 73 та ўйинда рақиблар дарвозасини 50 маротаба ишғол қилган.