АҚШ бош мураббийи истеъфога чиқарилди

АҚШ ўз мамлакатида бўлиб ўтган "Копа Америка"даги муваффақиятсиз иштирокдан кейин терма жамоа бош мураббийи Грегг Берхалтер ўз лавозимидан озод қилинди. 

50 ёшли мутахассис 2018 йили АҚШда иш бошлаган. Унинг қўл остида жамоа 74 та ўйинда майдонга тушган бўлса, 44 марта ғалаба қозонди, 17 та дурангга эришиб, 13 маротаба мағлубиятга учради. 

Айни пайтда раҳбарият янги мураббий излаш билан банд. Тез орада ақшликларнинг янги устози аниқ бўлади.