АҚШ йирик мусобақага мезбонлик қилиши мумкин

Олдинда турган Америка кубоги мусобақаси АҚШга кўчирилиши мумкин. Бу ҳақда Inside Sport нашри хабар бермоқда.

Ушбу вазиятда Венесуэла, Чили ва Эквадор ҳам мусобақани ўзида қабул қилишга тайёр. Бироқ ташкилотчилар учун АҚШ варианти афзалроқ деб ҳисобланмоқда.

Аслида ушбу мусобақа Аргентина ва Колумбияда ўтказилиши белгилаб қўйилган эди. Бироқ Колумбиядаги тартибсизликлар туфайли ушбу мамлакат мезбонлик ҳуқуқидан маҳрум этилиши ҳақида хабарлар тарқалди. Аргентинага келсак, бу ерда коронавирус билан боғлиқ эпидемиологик вазият жиддий. Шу сабабли Аргентинада барча футбол мусобақалари тўхтатилган.

Америка кубоги жорий йилнинг 11 июнидан 10 июлига қадар ўтказилади.