АҚШлик боксчи Баҳодир Жалоловга омад тилади

Хабарингиз бор, Баҳодир Жалолов жаҳон чемпионати доирасида америкалик Ричард Торресни нокаутга учратгани бутунжаҳон бокс оламида шов-шувни юзага келтирди. Айниқса, нокаутга учраган Торресни аҳволи қай даражада эканлиги борасида қизиқаётганлар, ташвишланаётганлар ҳам фақат океан орти мамлакатидан эмасди. Аксинча, бутун дунё бокс иҳлосмандлари интернет тармоқлари орқали бу боксчига саломатлик тилаб, тезроқ соғайиб кетиши борасида ўз тилакларини билдиришмоқда. Бир муддат аввал, биз ҳамюртимизнинг Ричардни бориб, ҳолидан хабар олган видеосини тақдим этгандик. Америкалик боксчи ҳам муҳлисларга ўз миннатдорчилигини билдириб, соғлиғи яхши эканлигини ҳамда Баҳодир Жалоловга омад тилаган видеомурожаатини ўз instagram саҳифасига юклади. Қуйида ушбу видеолавҳани эътиборингизга ҳавола этамиз...