Араухо: "Бу жамоа камбэк қилишга қодир, биз бунга ишонамиз"

"Барселона" ҳимоячиси Рональд Араухо Чемпионлар лигаси чорак финалида "Атлетико"га қарши баҳсдаги 0:2 ҳисобидаги мағлубиятдан кейин жамоа руҳияти ҳақида фикр билдирди.

"Биз ҳаракат қилдик, аммо бу етарли бўлмади.

Иккинчи бўлимда, бир киши кам бўлиб ўйнаган бўлсак ҳам, жуда яхши ҳаракат қилдик. Тўп назорати бизда эди, лекин гол ура олмадик. Албатта, мағлубиятдан хафамиз, аммо мен вазиятни ўзгартиришимизга ишонаман.

Бу жамоа ҳисобни ортга қайтаришга қодир. Мен бунга тўлиқ ишонаман. Биз буни аввал ҳам кўп бор уддалаганмиз.

Уларнинг майдонида ўйнаш осон эмас. Аммо агар буни кимдир қила олса, у ҳам бўлса биз. Рақиб уйида бўлса ҳам, охиригача курашамиз", — дея таъриф бериб ўтди уругвайлик ҳимоячи.

Эслатиб ўтамиз, жавоб учрашуви 14 апрель куни бўлиб ўтади.