Арбелоа очко йўқотишга антиқа сабаб айтди

Мадриднинг “Реал” клуби бош мураббийи Альваро Арбелоа Ла Лиганинг 32-турида “Бетис”га қарши ўйинда 1:1 ҳисобида дуранг ўйнаб, жамоа очко йўқотгани ҳақида фикр билдирди.

- Агар бизда аниқ сабаб бўлганида, уни тўғрилардик. Ўйин шундай кескин кечганда, бундай ҳолатлар юз бериши мумкин. Ва албатта, бизга омад етишмади, - деди Альваро Арбелоа.

32 турдан сўнг “Реал” 74 очко тўплаб, иккинчи ўринда бормоқда. Мадридликлар бу мавсум ҳам чемпионликдан қуруқ қоладиган кўринади.

Кейинги турда Арбелоа шогирдлари “Эспаньол”га қарши ўйнайди. Бу баҳс 3 май куни бўлиб ўтади.