Аргентина футбол ассоциацияси Инфантинони қўллаб-қувватлади

Аргентина футбол ассоциацияси (AFA) Работ шаҳрида ўтган халқаро федерация раҳбарияти йиғилишидан сўнг ФИФА президенти Жанни Инфантинони қўллаб-қувватлашини маълум қилди.

Бундан аввал Африка футбол конфедерацияси ҳам шунга ўхшаш баёнот билан чиққан эди.

«Яна бир бор таъкидлаймизки, навбатдаги ФИФА конгресси арафасида ассоциация ишонч билан айта олади: футболнинг келажаги сизнинг раҳбарлигингиздаги ислоҳотларни давом эттириш орқали, уни янада ривожлантириш ва барча учун очиқ спорт турига айлантиришдадир», — дейилади AFA баёнотида.

Инфантино халқаро майдондаги мавқеини, айниқса, дунё чемпионатига оид тижорат ҳуқуқларини ташқи тузилмаларга сотиш ташаббусидан сўнг сезиларли даражада йўқота бошлади. Ушбу лойиҳа АҚШ президенти Дональд Трамп оиласига алоқадор ташкилотлар билан боғлиқ экани ҳақида хабарлар тарқалган.

Кейинчалик ФИФА ҳомийлигидаги мусобақаларни бойкот қилиш ниятини УЕФА ва КОНКАКАФ эълон қилди. Осиё футбол конфедерацияси (АФК) эса ФИФА тузилмасида бошқарув ислоҳотларини ўтказишга чақирди.