Аргентина учун бешта гол урган Месси нималар деди?

Аргентина терма жамоаси ҳужумчиси Лионель Месси Эстонияга қарши ўтказилган беллашувда рақиб дарвозасига бешта гол урди.

Испанияда ташкил этилган ўртоқлик ўйинидан кейин учрашув қаҳрамони ўз фирк мулоҳазалари билан ўртоқлашди.

- Мавсумни бунданда муваффақиятли якунлаш имконсиз. Биз Финалиссимада зафар қучдик.Кейин жаҳон чемпионатига тайёргарлик йўлида йирик ғалаба қозондик. Бизни қўллаб-қувватлаб турганларга раҳмат. Биз озгина ҳордиқ чиқариб, яна майдонга қайтамиз. Ҳаммани бағримга босиб қоламан, - деди Месси.

Эслатиб ўтамиз, Финалиссима финалида Аргентина Америка кубоги ғолиби сифатида ўтган йили Европа чемпионатида муваффақият қозонган Италия билан учрашиб, жавобсиз учта тўп киритди.