Аргентинада янги юлдуз пайдо бўлди

“Велес Сарсфилд” ҳужумчиси Тьяго Альмада ўз юртида узоқ ушланиб қолмайди. У тез орада Европага кўчиб ўтиши кутилмоқда.

Аргантина футболининг янги юлдузи 19 ёш бўлишига қарамай, юқори лигада элликка яқин ўйин ўтказди ва тўққизта гол урди.

Альмадага даъвогарлар орасида “Манчестер Юнайтед” ва “Манчестер Сити”нинг имкониятлари юқори баҳоланмоқда. Шунингдек, “Аякс”, “Интер” ва “Валенсия” ҳам ҳужумчи учун охиригача курашишга бел боғлаган.

“Велес Сарсфилд” ўзи тарбиялаган футболчини 18 миллион еврога қўйиб юборишга тайёр.