Аргентинадаги кўчаларнинг бири Месси шарафига номланди

Аргентинанинг Тесанос Пинто шаҳри ўзининг 110 йиллигини нишонлади ва улар бу ишни ноодатий тарзда амалга оширишга қарор қилишди – улар кўчани Қатардаги жаҳон чемпионатида Аргентина терма жамоасига сардорлик қилаётган Лионель Месси шарафига номлашди.

Бироқ у ерда фақат Месси кўчаси пайдо бўлди дейиш адолатдан бўлмайди – аслида бундан буён ушбу шаҳарчанинг барча кўчалари энг машҳур аргентиналик спортчилар номи билан аталади. Тесанос Пинто шаҳрида шунингдек, Диего Марадона номидаги кўча, “Формула-1” бўйича беш карра жаҳон чемпиони Хуан Мануел Фанжио номидаги кўча, теннисчи Габриела Сабатини номидаги кўча ҳам мавжуд.

Эслатиб ўтамиз, Аргентина терма жамоаси жаҳон чемпионатининг плей-офф босқичига йўл олди ва “альбасетлар” ушбу босқичда Австралия термаси билан тўқнаш келади.