Арне Слот АПЛ чемпионлиги ҳақида: Агар Эредивизияда бўлганимда, чемпионман, деб ҳисоблаган бўлардим

"Ливерпуль" бош мураббийи Арне Слот "Лестер"га қарши ўйин натижасини сарҳисоб қилди. 

Премьер-лига 18-туридан ўрин олган баҳсда "қизиллар" 6-дақиқадаёқ гол ўтказиб юбориб, якунда 3:1 ҳисобида зафар қучди. 

- Тезкор гол ўтказиб юборганимиз ғалати туюлди. Вазиятни паст баҳоладик ва бу дарвозамизга гол урилишига олиб келди. Бундай вазиятларда ўйинга қайтиш учун кўп ҳаракат ва меҳнат қилиш керак. Танаффус олдидан мувозанатни тикладик ва бу бизга катта ёрдам берди. 

- Чемпионлик учун курашда "Ливерпуль" фаворитлиги ҳақида 

- Ўзингиз биласиз, ҳали қанча ўйинлар бор. Бу ерда юқори сифатдаги жамоалар кўп. Агар Эредивизида бўлганимда буни тўғри, деб ҳисоблаган бўлардим.