Арне Слот Экитикенинг ўзига хос жиҳатини таъкидлади

"Ливерпуль" бош мураббийи Арне Слот жамоа ҳужумчиси Уго Экитикенинг ўзига хос сифати ҳақида фикр билдирди. Франциялик футболчи ўтган ёзда франкфуртнинг "Айнтрахт" клубидан 95 миллион евро эвазига "қизиллар" сафига қўшилган эди.

"Экитике — жамоамиздаги энг тезкор футболчилардан бири. Кўплаб кучли жамоаларда битта, иккита ёки учта жуда тезкор ўйинчи бўлади ва мен айнан шу сифатни таркибимизга қўшишни истагандим. Ўтган мавсумда биз ПСЖга қарши ўйнаганмиз, улар сафида Дембеле, Баркола ва Дуэ бор эди — учаласи ҳам жуда тез. Биз Экитике ҳам худди шундай таъсир кўрсатишини истадик", — деди Слот матбуот анжуманида.

Уго Экитике "Ливерпуль" сафида барча мусобақаларда 24 та учрашувда майдонга тушиб, 11 та гол урди ва битта голли узатмани амалга оширди.