Арне Слот "Ливерпуль" учун янги Юрген Клоп(ми?)

"Ливерпуль"нинг жорий мавсумдаги ғалабали серияси 8 та ўйинга етди.

Арне Слот шогирдлари куни кеча Чемпионлар лигасида "РБ Лейпциг"ни мағлуб этишди(1:0). Бу орқали клуб ўзининг ғалабали сериясини давом эттирди.

Мазкур мавсумда мерсисайдликлар фақат битта ўйинда очко йўқотишди. 14 сентябрь куни Премьер-лигада "Ноттингем Форест"га 0:1 кўринишида мағлуб бўлди. Қолган барча 11 учрашувда ҳам ютуқ қўлга киритилган.

"Қизиллар"нинг навбатдаги ўйини 27 октябрь куни АПЛ доирасида сафарда "Арсенал"га қарши бўлиб ўтади.