“Арсенал” 80 миллионлик бошоғриқдан қутилолмаяпти

“Арсенал” клуби мутасаддилари ивуарлик ҳужумчи Николя Пепе трансфер бўйича “Бешиктош” билан бир тўхтамга кела олмаяпти.

Маълумотларга қараганда, томонлар музокараларни ҳамон давом эттиряпти. Бироқ келишув амалга ошганича йўқ.

Шунга қарамай, Пепенинг ўзи “Бешиктош” сафига қўшилишга розилик берган ва янги жамоаси учун тиббий кўрикдан ҳам ўтиб бўлди.  

“Арсенал” бу ҳужумчини 2019 йили 80 миллион еврога “Лилль”дан харид қилганди. Қимматбаҳо трансфер ўзини оқламади.

Николя Пепе ўтган мавсумда ижара асосида “Ницца” учун ўйнаган эди.