“Арсенал” Альварес учун курашга қўшилди

"Арсенал" Хулиан Альварес учун кураш олиб боради.

Лондон клуби аргентиналик ҳужумчининг трансфери имкониятини муҳокама қилиш учун "Атлетико" билан боғланмоқчи. Футболчига ПСЖ ва "Барселона" ҳам қизиқиш билдирмоқда - потенциал харидорларнинг фикрича, битим қиймати тахминан 150 миллион еврони ташкил этиши мумкин.

Бироқ, мадридликлар келгуси мавсумда ҳужумчининг ёрдамига умид қилаётганини va ҳеч қандай клуб билан музокаралар олиб бормоқчи эмаслигини таъкидламоқда. Альвареснинг шартномасида кўрсатилган товон пули миқдори 500 миллион еврони ташкил этади - агар бу банд фаоллаштирилмаса, "Атлетико" футболчини қўйиб юборишни истамайди.

Ла Лиганинг ўтган мавсумида Хулиан 29 та ўйин ўтказиб, 8 та гол урди va 4 та голли узатмани амалга оширди.