"Арсенал" АПЛ тарихи учун энг муҳим трансферни тайёрламоқда

Испаниялик журналист Марио Кортегана «Реал» клуби ҳужумчиси Винисиус Жуниорнинг «Арсенал»га ўтиши эҳтимолига оид янги маълумотлар билан ўртоқлашди.

Унинг ёзишича, «Арсенал» раҳбарияти бразилиялик футболчини сотиб олиш режасини маъқуллаган ва трансфер учун зарур маблағни ажратган.

- Клуб Винисиус Жуниорни кўндириш устида бир неча ойдан бери иш олиб бормоқда. Лондонликлар футболчининг вакиллари билан бир неча бор учрашиб, унга клуб лойиҳасини тушунтиришган. 

Микел Артета Винисиусни жуда қадрлайди ва унинг келиши уни жуда хурсанд қилади. Шунингдек, «Арсенал» Винисиусни қўлга киритиш учун маош лимити ва тўловлар тузилмасини қайта кўриб чиқишга ҳам тайёр.

Клуб қўшимча равишда имзо учун махсус бонус таклиф қилиши, шунингдек, футболчининг тижорат ҳуқуқлари бўйича ҳам қулай шартлар бериши мумкин. Бу орқали Винисиусга ҳақиқий супертаклиф тақдим этиш нияти бор. 

«Арсенал» Винисиус улар учун қай даражада муҳим эканини очиқ-ойдин кўрсатди. Лондон клуби уни Англия Премьер-лигаси тарихидаги энг муҳим трансферлардан бирига айланиши мумкин, деб ҳисоблайди», — дея ёзади Кортегана.

Аввалроқ хориж оммавий ахборот воситалари «Арсенал» Винисиус Жуниор билан шахсий шартнома шартлари бўйича келишувга эришганини хабар қилган эди.