"Арсенал" "Барселона" футболчисига харидор

Лондоннинг "Арсенал" клуби "Барселона" футболчисини сотиб олиши мумкин.

Каталониянинг "Барселона" клубига тегишли бўлган ярим ҳимоячи Дани Родригес фаолиятини Англия Премьер-лигасида давом эттириши мумкин. Манбага кўра, истеъдодли футболчини Лондоннинг "Арсенал" клуби жиддий тарзда кузатиб бормоқда. Родригеснинг бозор нархи 1 миллион еврони ташкил этади. Унинг "кўк-анорранглилар" билан амалдаги шартномаси келаси йилнинг ёзида якунига етади. Футболчи учун "канонирлар" Билбаонинг "Атлетик" клуби билан курашиши кутилмоқда.

Маълумот учун, "Арсенал" Англия Премьер-лигасида биринчи ўринни эгаллаб турибди.