«Арсенал»да Жезус асосий жамоа билан машғулотни тўхтатди

«Арсенал» ҳужумчиси Габриэл Жезус Лондон клубининг асосий таркибидан ташқарида қолди.

Бразилиялик футболчи сўнгги кунларда асосий жамоа билан бирга машғулот ўтказмаяпти. Кузатувчиларнинг таъкидлашича, у трансфер ойнаси ёпилгунча клубни тарк этиши эҳтимоли жуда юқори.

- Бу, аввало, жамоада бизда ҳозир мавжуд футболчилар сони билан боғлиқ, - дея Микел Артета сўзларини келтиради журналист Фабрицио Романо.

Габриэл Жезус «Арсенал» сафини 2022 йил ёзида «Манчестер Сити»дан келиб тўлдирган эди. Шундан бери у лондонликлар таркибида 123 ўйин ўтказиб, 32 та гол урди ва жамоадошларига 22 марта ҳал қилувчи пас берди. Футболчининг амалдаги шартномаси 2027 йил ёзигача мўлжалланган.