«Арсенал» Ферран Торресни сотиб олишга қизиқмоқда

Лондоннинг «Арсенал» клуби «Барселона» ҳужумчиси Ферран Торреснинг келажаги бўйича вазиятни диққат билан кузатмоқда ва уни сотиб олиш имкониятини кўриб чиқишга тайёр, деб хабар бермоқда Sports.kz нашри TEAMtalk манбасига таяниб.

«Канонирлар» бош мураббийи Микель Артета 26 ёшли испаниялик футболчи билан «Манчестер Сити»да бирга ишлаган ва ҳануз унга катта ишонч билдиради. Торреснинг «Барселона» билан амалдаги шартномаси 2027 йил ёзигача мўлжалланган. Шу билан бирга, келишувни узайтириш бўйича музокаралар ҳали бошланмаган.

«Мен фақат битта нарсани биламан: 12 август куни „Барселона“ машғулотларига қайтишим керак. Қолганини кутамиз, кўрамиз. Клуб менинг қолишимни истаса, нима қилиши керакми? Мени сақлаб қолишни хоҳлаётганини кўрсатсин ва музокараларни бошласин», — деди Торрес.

Аввалроқ, «Барселона» форвардни тахминан 35 миллион евро атрофидаги сумма эвазига сотишга тайёр экани ҳақида хабарлар тарқалган эди. Футболчига ПСЖ ва «Тоттенҳэм» клублари ҳам даъвогар сифатида қайд этилмоқда.