"Арсенал" футболчилари клуб таклифини рад этишига нима сабаб бўлди?

"Арсенал" футболчилари клуб раҳбарияти томонидан маошлар қисқартирилиши бўйича билдирилган таклифга рад жавобини беришди. Бу ҳақида Mirror нашри хабар бермоқда.

Олдинроқ, АПЛ клублари коронавирус пандемияси ортидан келиб чиқиши кутилаётган молиявий йўқотишларни енгиллаштириш мақсадида футболчи ва жамоанинг барча ходимлари маошини қисман қисқартириш бўйича музокараларни бошлаб юборишган эди.

Ўз навбатида, канонирлар ҳам клуб футболчиларига Еврокубокларидаги иштирок этиш ҳуқуқини қўлга киритилишига қараб 7,5 фоиздан 12 фоизгача турли кўринишдаги маош қисқартириш вариантларини таклиф қилишган эди.

Бироқ "канонирлар" футболчилари маошларининг катта қисми еврокубоклардаги иштирок учун бонус сифатида келишини ҳисобга олиб, ушбу таклифга рад жавобини беришди.