"Арсенал" футболчиси Машарипов ўйнаётган клубдан таклиф олди

"Арсенал" ҳужумчиси Пьер-Эмерик Обамеянг ҳамюртимиз Жалолиддин Машарипов ҳаракат қилаётган "Ал- Наср" жамоасидан таклиф олди. Саудияликлар футболчини сотиб олиш ҳуқуқи билан ижарага олмоқчи.

"Evening Standard" нашрига кўра, араб клуби габонлик форвард ижараси учун Лондон клубига 6,5 миллион фунт стерлинг таклиф қилган. Лекин "тўпчилар" бунга ҳали жавоб йўлламади.

"Transfermarkt" порталида 32 ёшли футболчи 15 миллион еврога баҳоланган.

Обамеянг жорий мавсум АПЛдаги 14 баҳсда 4 та гол ва битта ассист муаллифига айланган.