“Arsenal” ham “Real” qiziqish bildirgan futbolchiga "ko‘z tikmoqda"

“Arsenal” klubi “Manchester Siti”ning 25 yoshli hujumchisi Gabriel Jezus uchun 50 million evro to‘lashga tayyor ekanligini ma’lum qildi. Biroq “Goal Brasil” nashrining xabariga ko‘ra, “shaharliklar” bu taklifni rad etgan.

"Manchester Siti" Jezus uchun xaridorlardan 60 million evro talab qilmoqda. Braziliyalik futbolchining ingliz klubi bilan shartnomasi tugashiga bir yil qolgan. Ammo bu rahbariyatni zarracha ham cho‘chitgani yo‘q. “Ko‘klar” hujumchini sotishdan maksimal mablag‘ ishlab olishni istamoqda.

Jezusning xizmatlariga "Real" ham qiziqish bildirmoqda. Avvalroq "qaymoqranglilar" ustozi Karlo Anchelotti braziliyalik futbolchi bilan bog‘lanib, uning "qirollik klubi"ga o‘tishini muhokama qilgani haqida xabar berilgandi.