“Арсенал” ҳужумчиси охирида оммавий жанжал келтириб чиқарди

Англия Премьер-лигасининг 21-турида жорий чемпионатда пешқадамлик қилаётган “Арсенал” ўз майдонида амалдаги чемпион “Ливерпуль”ни қабул қилди. Ушбу баҳсда ҳисоб очилмаган бўлса-да, ўйин кескин ва муросасиз ўтди.

“Канонирлар” ҳужумчиси Габриэл Мартинелли учрашувнинг охирида оммавий тўполон қўзғатди.

Учрашувнинг сўнгги дақиқаларида Мартинелли “Ливерпуль” ҳимоячиси Конор Брэдлини майдон ташқарисига итариб юборди. Шу ҳолатдан кейин қолган футболчилар ўртасида жанжал келиб чиқди. Натижада Брэдли жароҳат олиб, майдонни шифокорлар ёрдамида тарк этди.

Англия Премьер-лигасининг 21-туридан сўнг “Арсенал” 49 очко жамғариб, турнир жадвалида биринчи ўринни эгаллаб турибди. “Ливерпуль” эса 35 очко билан тўртинчи поғонада жойлашган.